2 TAWARIKH 9:4 - WUKE SUSI WATTI'U AL᷊AL᷊USASSA

⁴ atokku manaran manga taumatan araratuanne, wuṛṛu laungnge uasul᷊ungnga see lai wal᷊en mangitou. I tou na'ellega anna apan nisaru, wuṛṛu laubbu manga mangangimbe su andeangnga; i tou na'ellega lai manga sassamba apan nionggoli Salomo su Wal᷊en Mawu. Sarangkanambone udde naatiangnga ratun wanua Syeba wuṛṛu niagukke.

2 TAWARIKH 9:4 Referans Kwoze

SONDAPPA 3:20

Pa'ellega! I Ya'u uarisikka su saruannu ngara wuṛṛu manengkela. Amungkangu pia taumata apan naaringikka tingi-U, wuṛṛu namu'a ngara, i Ya'u sarun sumutta maisasomban tou; i Ya'u sarun umanna suadio'a ringanni tou wuṛṛu i tou umanna suadio'a ringang-Ku.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

LUKAS 12:37

Tumanite naauntunga manga mangangimbe apan aratinganna tantal᷊anna uaraṛṛaddo tempone mawune rumanta. Pangimante: mawune udde uasaddiate wuṛṛu mandolokku mangangimbene udde uma'ianna, see i tou nangimbete si mangitou.

DANIEL 10:17

I ya'u naal᷊ihidda sangkatou allangnga apan uarisikka su saruannu tuangnge. Ereapa wotongnge i ya'u maggahatton Tuangnga? Ikka'u nasuete wuṛṛu sasangngo'u marenga.”

YEHEZKIEL 46:2

Su manga allo udde tembonanne ṛinone sumutta wuassu rallakku liudde umamattu panumbal᷊e wahewalla ana see dumarisikka su sandiṛṛannu diṛṛin sasutanna, tantal᷊anna manga imam mangngonggollu sasamba itattambunna wuṛṛu sasamban paddarame wuassu tembonanne. Su ngara pasallanganna udde i tou ṛinone umal᷊intudda wuṛṛu massubba Mawu, see inaite. Wua'udde maddatingngu ṛabbi, sasuttanna udde tawe wotongnge iṛṛuudda.

YEHEZKIEL 44:3

Arawe tembonanne apan uaparenta wotongnge inai su sasuttanna udde tadea'u umanna anna na'ukkassa su saruang-Ku. I tou ṛinone sumutta umamattu panumbal᷊e wahewalla wuṛṛu mabbelengnga umamattu lal᷊anna udde lai.”

ANTARI MAWANTUGA 5:8

Paddiandite, ei manga maṛṛualan Yerusalem, napawe i yamiu masangkalla arangnguangku, wal᷊oa'e si tou, manungku i ya'u maradda'u paapulu.

AMSAL 9:5

“Wette umante ringangku wuṛṛu pattemate anggore apan ta'u niola'a.

DARALO 143:7

Paal᷊ihakkawe sumimbakka si ya'u, oh Mawu, ana waugu i ya'u tate antimma. Ariewe pa'imbunie i ya'u, tadea'u i ya'u tawe ere taumata apan sinumossoke su runian papate.

DARALO 119:81

Naungku mangke luṛṛintulun asasal᷊amatta wuas-Si'o; i ya'u uaantimma paaire-Nu.

NEHEMIA 1:11

Daringiṛṛewe aal᷊iomannu anambon allang-Ngu apan waine, apan mappulu mangaddatta Si'o. Onggol᷊aawe tul᷊ungan-Nu tadea'u su allo indi allang-Ngu indi maasomba darangngu wuassu ratu.” Sutempo udde i ya'u mammanara mangngimben ua'e ratu.

2 TAWARIKH 23:13

I tou naasilo ratu apan wakku udde uarisikka su ngara suttannu Wal᷊en Mawu, suapa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone mangngintul᷊i lullala'a lapiddu manniuppa trompeta, wuṛṛu manga mananal᷊angnga musikka su Wal᷊en Mawu nilumala'u ramea udde ringannu anambon musikki mangitou. Ringannu naungnga lal᷊eo i Atalya nanggesa'a laubba wuṛṛu nangintul᷊i, “Mandal᷊al᷊eo! Mandal᷊al᷊eo!”

1 TAWARIKH 9:18

Naddatingngu sara allo indi manga taumata wuassu amonanni mangitou, manarane mandiaga Ngara Pasallanganne Ratu su samba'an ra'i. Dorone manga taumata wuassu amonanni mangitou niapamanara mandiaga manga ngara pasallanganna mattudda paddasanannu taumatan Lewi.

2 MARARATU 16:18

Ana see tadea'u ipanganu naungngu ratun Asyur, i Ahas nanggohakku pa'ammulannu ratu su Wal᷊en Mawu, wuṛṛu nakkuudu ngara sasuttannu ratu.

1 MARARATU 10:5

ola'u pamamanara manga mammamanaran araratuanne, wuṛṛu laubbu uasulungnga wuṛṛu wal᷊en mangitou. I tou na'ellega anna wuṛṛu ua'e apan nisaru, ola'u mangangimbe andeangnga, wuṛṛu manga sasamba apan nionggolli Salomo su Wal᷊en Mawu. Sarangkanambone udde naaola'a ratun banua Syeba tinumiangnga wuṛṛu niagukke.

MATIUS 6:29

arawe Ratu Salomo apan pa'a'alane aroddi anambone, tawe uapedetta ere al᷊aṛṛamagu manga wunga udde!

2 TAWARIKH 9:3

Ratu nattiala sassane aroddi apandene i Salomo. I tou na'ellega wal᷊en araratuanna apan niola'i Salomo,

2 TAWARIKH 9:5

Ne i tou nabbisarate si Ratu Salomo, “Sarangakanambone apan niaringiṛangku su ola'i Tuangnga wuṛṛu apapanden Tuangnga, udde mangke atonna!

1 MARARATU 5:2

Ana see i Salomo lai nangirimmu tanata indi si Hiram,

1 MARARATU 5:3

“Ratu Hiram Apan Mawantuga! Asinungka i Tuangnga masingkatta manungku iamangku Daud ringannu nipabbawata'a mapapangalo ana waugu pappangaloannu seeta wuassu manga wanua su al᷊indongani yami. Wuṛṛu ana waugu Mawu taambe nangonggollu auntunganna si tou su anambon seenne, i tou tawe tempo mandarisikku wal᷊en maola'a tampa papataṛṛamawuanna su Mawu Ruatane.