2 TAWARIKH 7:3 - WUKE SUSI WATTI'U AL᷊AL᷊USASSA

³ Sutempo tumana'u Israel naasilo putungnga niumonto'a wuassu langitta wuṛṛu semakku darantan Mawu namane Wal᷊en Mawu, i mangitou niumal᷊intudda ana see nassubba lapiddu naddalo Ruata, ana waugu i Tou mapia wuṛṛu darangngu-Ne saran mal᷊annu-l᷊annu.

2 TAWARIKH 7:3 Referans Kwoze

2 TAWARIKH 20:21

Napawe buatte nabbaidda ringannu tumanangnge, ratu nandolokku mangangantari malluṛṛen laubba uasul᷊ungnga apan wiasane tumba'u ilalluṛṛe su lal᷊aghu pangangagama. Mangangantari udde ṛinone uawarissa ringannu maṛṛamaga su saruannu warisannu tantara lapiddu mangngantari, “Paddalote Mawu! Darangngu-Ne tawe panguddusanne!”

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

EZRA 3:11

Tumanangnge mangngantari aantari daralo su Mawu, lapiddu masokka isul᷊e wageangnge papanginsueanne, arendi tingikke, “Mawu udde mapia; wuṛṛu darangngu-Ne su Israel mangke maṛṛawa mappulunna.” Anambon tumanangnge huggio suaddio'a wuṛṛu maddalo Mawu, ana waugu rapappakku Wal᷊en Mawu buatte niaddo.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

DARALO 103:17

Arawe Mawu sidutu mandangngu taumata ma'imanna, apapia-Ne sara maṛṛawa mappulunna

DARALO 95:6

Wette i ite umal᷊intudda massubba si Tou, umal᷊intudda su saruannu Mawu, nandiaddi si ite.

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

1 TAWARIKH 16:41

Imam Zadok wuṛṛu manga imam udde sasumbalanni Heman wuṛṛu i Yedutun see lai manga taumata waine apan buatte nipile iapaantarin daralo su Mawu ana waugu darangngu-Ne apan tawe panguddusanne.

1 MARARATU 18:39

Sutempo tumana'a naasilo olangnge udde i mangitou nadduma'a su leta'a lapiddu nabbisara, “Mawu udde Ruata! Atonna Mawu udde Ruata!”

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

REENGANNA 14:5

Ana see i Musa wuṛṛu i Harun niumal᷊intudda su saruannu awadaalla.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

1 TAWARIKH 16:34

A'al᷊iomante su Mawu, ana waugu i Tou mapia; darangngu-Ne saran mal᷊annu-l᷊annu.

DARALO 100:5

Ana waugu Mawu udde mapia; darangngu-Ne saran mal᷊annu-l᷊annu, wuṛṛu apapia-Ne sara maṛṛawa mappulunna.

DARALO 106:1

Paadiangkamante su Mawu, ana waugu i Tou mapia; darangngu-Ne tawe pattaal᷊anne.

DARALO 107:1

“Paadiangkamante su Mawu ana waugu i Tou mapia, darangngu-Ne sarangkal᷊o'engnge.”

DARALO 118:1

Paadiangkamante su Mawu ana waugu i Tou mapia, darangngu-Ne tawe panguddusanne.

2 TAWARIKH 20:18

Ne i Ratu Yosafat niumal᷊intuddate. Tumanangnge sarangkanambone lai nattanno si tou niumal᷊intudda nassubba Mawu.

2 TAWARIKH 29:28

Ratu Hizkia wuṛṛu anambon taumata isudde niumal᷊intudda nassubba Mawu tantal᷊anna mangangantari sidutu mangngantari wuṛṛu manga mananalangnga musikka sidutu mammusikka na'oman sara anambon sasamba udde natutungnga abbi.

2 TAWARIKH 29:30

Ratu wuṛṛu matatimmadu wanua nandolokku manga taumatan Lewi niapaantari iaparalo Mawu eteudde manga daralo apan niaṛṛa'i Daud wuṛṛu Nabi Asaf. Anambon taumata mangngantari ringannu lulluassa lapiddu niumal᷊intudda massubba Ruata.