2 TAWARIKH 7:14 - WUKE SUSI WATTI'U AL᷊AL᷊USASSA

¹⁴ ana see al᷊aṛana-U apan nappaattu arang-Ku udde sumallungngu watanganne, wuṛṛu umal᷊iomanna ana see rumanta ringang-Ku wuṛṛu manatangngu inolaanni mangitou apan lal᷊eo, ne wuassu surga i Ya'u sarun maddaringikka aal᷊iomanni mangitou. I Ya'u sarun mangampungnga manga rosan mangitou wuṛṛu ma'ola'a wanuam mangitou su lal᷊umana'a apia.

2 TAWARIKH 7:14 Referans Kwoze

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

2 TAWARIKH 6:27

oh Mawu su surga, daringiṛewe i mangitou. Wuṛṛu ampungewe rosan manga allang-Ngu walahannu Israel. Tantiroiwe i mangitou su inolaanna apan ṛinone. Wua'udde, oh Mawu, pasosoṛṛaawe uranna su wanua-Nu indi, wanua apan nionggolu Mawu su walahannu apan maola'a pussaane saran mal᷊annu-l᷊annu.

YEREMIA 8:22

Apate apan naahal᷊ahe na'oman sara walahangku naddatingngu orassa indi taambe lai napia? Apa su ahewallu Gilead tawe doktere ara'e undamma?

YESAYA 63:19

I'o ma'ola'a si yami ereola'u taambe namarenta si yami, ereola'u i yami taambe naola'a uman-Nu.

YESAYA 59:20

Mawu nabbisara uman-Ne, “I Ya'u sarun dumanta su Yerusalem tadea'u manal᷊amatta si yamiu sarangkanambone apan nawal᷊u wuassu manga rosanu.

2 TAWARIKH 6:30

antimanna I'o sulal᷊ummu atatanaan-Nu su surga maddaringikka lapiddu mangampungnga si mangitou. Tumba'u I'o masingkattu lal᷊ummu naungngu taumata. Ana waugu udde ṛuumana'e suapan taumata tumuṛṛuttu manga inolaanne,

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

WATTI'U MANGA RASUL 9:11

Mawu nabbisara, “Otte inaite orassa indi. Roote watukku wal᷊en Yudas su Lal᷊anna Matul᷊ida. Iwal᷊oi poiaroddi taumata aranne i Saulus wuassu soan Tarsus. Taumata udde tantal᷊anna u'al᷊iomanna,

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

DARALO 60:2

sutempo i tou namangalo taumatan Aram-Mesopotamia wuṛṛu taumatan Aram-Zoba, wuṛṛu sutempo i Yoab napul᷊e wua namaddon 12.000 su atoune taumatan Edom su Wawal᷊annu Asin.

REENGANNA 6:27

Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

TAHIUL᷊E 28:10

Ne anambon balahanna su runia sarun maasilo manungku i yamiu balahanna apan nipilen Mawu, ne i mangitou sarun mangantagi yamiu.

2 TAWARIKH 6:33

antimanna wuassu tatanaan-Nu su surga I'o maddaringikka aal᷊iomanne wuṛṛu manipussa darorongnge. Ringannu aroddi al᷊awo'u walahanna su ahewallu runia sarun maillal᷊a Si'o wuṛṛu tumuṛṛutta Si'o ere lai ṛuangannu Israel. I mangitou sarun maasingkatta manungku Wal᷊en apan ta'u niola'a indiwe tampa patataṛṛamawuanna Si'o.

YEHEZKIEL 33:12

Ne, taumata mattate, wal᷊oa'e su taumatan Israel manungku amungkangngu taumata mapia ma'ola'a rosa, ne apapiane dorone udde tawe maatulungnga si tou. Amungkangngu taumata lal᷊eo naddote ma'ola'a rosa, i tou tawe iṛṛuumanna wuṛṛu amungkangngu taumata mapia ma'ola'a rosa, tawe masal᷊amatta.

2 TAWARIKH 20:3

Yosafat nata'utte ana see i tou inumal᷊iomante naddorongnga tatantiro wuassu Mawu. Wua'udde i tou namarenta tadea'u lal᷊oṛṛon soa sarangkanambone mappuasa.

2 TAWARIKH 20:4

Wuassu suapan soa su Yehuda, taumata inaite watukku Yerusalem maiontolla su Mawu.

DARALO 27:8

I'o nabbisara, “Rantate passubba si Ya'u.” I ya'u sinumimbakka, “I ya'u sarun rumanta, oh Mawu;

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

YEREMIA 50:4

Mawu nabbisara, “Sutempo udde taumatan Israel sarun dumanta suadio'a ringannu lulluai, maddea'a si Ya'u, Ruata mangitou.