2 TAWARIKH 6:41 - WUKE SUSI WATTI'U AL᷊AL᷊USASSA

⁴¹ Darisikkewe orassa indi, oh Mawu Ruata! Wuṛṛu suadio'a ringannu Wantallu Paaire apan mapal᷊iatta'u taṛṛino-Nu udde, ṛinone I'o sumutta su Wal᷊en-Nu indi wuṛṛu matana'a isindi saran mal᷊annu-l᷊annu. Al᷊amatewe anambon manara manga imam, wuṛṛu antimanna al᷊aṛanang-Ngu sarangkanambone lulluassa ana waugu I'o marangngu si mangitou.

2 TAWARIKH 6:41 Referans Kwoze

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

1 TAWARIKH 28:2

I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

DARALO 132:16

Manga imammi mangitou namasilon asasal᷊amatta wuassia-U; tumanangnge sarun mangngantari wuṛṛu lumala'a.

NEHEMIA 9:25

Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

SONDAPPA 19:14

Tantaram pangalo wuassu surga uatantalongnga si Tou ringannu uasa'e manga awal᷊o mawira, wuṛṛu uapeddetu lenan mawira wuṛṛu waresi.

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

GALATIA 3:27

I yamiu sarangkanambone buatte nisaṛṛani sulal᷊ummu aranni Kristus, nariaddi yamiu buatte nanengkamma sulal᷊ummu watanganni yamiu pallal᷊agun Kristus sassane.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

DARALO 110:2

Wuassu Sion Mawu sarun manggewalla araratuannu; pamarentate manga seennu!

DARALO 65:11

I'o napa'elekku ua'e su sasal᷊uṛṛannu pajekone wuṛṛu I'o namokka letangnge. I'o nanuwukka leta'a ringannu uranna, wuṛṛu rariagan-Nu lal᷊uwone tuttuwo masuwukka.

DARALO 65:4

Manga rosa'u tumaniten mawakkata si ya'u, arawe I'o mangke nangampungnga.

YOSUA 3:13

Man napawe manga imam apan uapasanna Wantalu Pa'aire Mawu naṛṛindaten leddane sulal᷊ummu ua'en sal᷊ukka Yordan udde, ua'e mangngelekka sarun matta'alla; ua'e apan mangngelekka wuassu ul᷊une aṛṛapinganna su sambau tampa.”