2 TAWARIKH 6:18 - WUKE SUSI WATTI'U AL᷊AL᷊USASSA

¹⁸ Arawe, oh Ruata, atonnawe I'o mal᷊uassa matana'a su runia indi suwallattu taumata? Ahewallu langitta lai tawe matiudda Si'o, nangillembote wal᷊en patataṛṛamawuanna apan ta'u niola'a indi!

2 TAWARIKH 6:18 Referans Kwoze

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

2 TAWARIKH 2:6

Arawe suṛṛinone, tawe saran sangkatou apan wotongnge mapararisikku Wal᷊en Mawu, ana waugu ahewallu winalanganna tawe tumaniten bahewalla maola'a tatanaan-Ne. Nariaddi, Wal᷊en Mawu apan ta'u iapararisikka udde asinungka tumba'u tampa panambunannu amania su Mawu!

2 KORINTUS 12:2

I ya'u maaillal᷊a sangkatou Saṛṛani apan mapul᷊ote appata su tonnane nal᷊iu niapaasengkengnga su tampa atanggaṛṛanne su surga. (I ya'u wagga tanne wadangnge atonna-tonna nasengkengnga ara'e tumba'u sambau aellega – tumba'u Ruata sassane masingkata.)

WATTI'U MANGA RASUL 17:24

Ruata apan nandiaddi runia indi wuṛṛu al᷊awo'u lal᷊oṛṛone, ete i Tou Ruatan su langitta wuṛṛu runia. I Tou tawe uatana'a su manga wal᷊em paal᷊uanna apan niola'u taumata.

2 TAWARIKH 32:15

Arie pabbala'a ratunu udde mamahia wuṛṛu mamoddo si yamiu! Arie pangimanna si tou! Ana waugu taambe saran paassa mongannu al᷊awo'u walahanna wotongnge mamallossu walahanne wuassu taṛṛinon ratun Asyur. Wuṛṛu mongannu udde lai tawe maapallossi yamiu!”

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

AYUB 9:14

Nariaddi, ereapa i ya'u wotongnge manongga si Tou? Ringannu manga wisara apa i ya'u sarun sumimbakka si Tou?

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

MATIUS 12:6

Naunge apa apan iwabbisara-U indi: isindi pia nangillembo ahewal᷊anne wuassu Wal᷊e Mawu.

2 TAWARIKH 6:19

Oh Mawu, Ruata'u, i ya'u allang-Ngu! Arawe daringiṛṛewe aal᷊iomangku, wuṛṛu tipussawe darorongku.

2 TAWARIKH 2:5

I ya'u maapulu tadea'u Wal᷊en Mawu apan sarun ta'u iapararisikka udde maola'a sambau wal᷊en apan mawantuga, ana waugu Ruatan kami mabbantuhanna wuassu al᷊awo'u mawu waine.