2 TAWARIKH 6:12 - WUKE SUSI WATTI'U AL᷊AL᷊USASSA

^12-13 I Salomo buatte na'ola'a panggunga witu'a su pattangngannu rallakku Wal᷊en Mawu. Al᷊o'engnge wuṛṛu al᷊alakke 2.2 metere, wuṛṛu atanggakke 1.3 metere. Su saruannu tumanangnge apan uasemodda, i Salomo sinuma'e su panggunga udde, wuṛṛu dirumarisikka uasaruanna mezbah. Sarangkanambone wotongnge maasilo si tou. Wua'udde i tou niumal᷊intudda, ana see namatten limane ruam ba'a wuṛṛu niumaalatta watukku langitta ana see niumal᷊iomanna,

2 TAWARIKH 6:12 Referans Kwoze

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

DARALO 143:6

I ya'u u'al᷊iomanna Si'o ringannu lima uawilatta; naal᷊ihidda leta'a mamara, niawa'u luṛṛintulu-Nu.

DARALO 63:4

Darangngu-Nu maaregganne wuassu wiakka, ana waugu udde i ya'u maddalo Si'o.

AYUB 11:13

Ayub, waresite naungngu, wuṛṛu sassille! Aal᷊iomante su Ruata!

SASABANGNGA 9:33

Ana see i Musa nanantangngu ratu wuṛṛu inaite watukku liuddu soa; poiaroddi i tou namatten ta'iakke umal᷊iomanna su Mawu. Orassa udde lai naddote rallu'a, uranna masunge wuṛṛu uranna.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

DARALO 68:31

Limbuaṛṛete Mesir, winatangnga mal᷊aṛṛaga udde wuassu pattangngannu tiwo. Tagguete manga walahanna, ammul᷊annu bantenga udde ringannu al᷊aṛṛanangnge, apan ual᷊aṛinda tadea'u maasomba sal᷊a'a. Ruata nanal᷊iawukku manga walahanna apan apulune uapapangalo.

DARALO 28:2

Daringiṛṛewe sasal᷊ande'u napawe i ya'u maiontola, wuṛṛu mamatunna lima'u watukku Wal᷊en-Nu apan susi.

2 MARARATU 11:14

I tou naasilo ratu apan wakku udde uarisikka su ngara sasuttannu Wal᷊en Mawu sutampa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone hinumio lulluassa lapiddu napatuntungikku trompeta. Ringannu sussinggawanga i Atalya nanggesa'a laungnge, wuṛṛu nangintul᷊i “Lal᷊obossa! Lal᷊obossa!”

2 TAWARIKH 6:11

Sulal᷊ummu Wal᷊en Mawu udde i ya'u buatte nanaddia tampa panahipunanna Wantallu Paaire apan lal᷊oṛṛoannu watu paairen Mawu ringannu taumatan Israel.”