2 TAWARIKH 6:10 - WUKE SUSI WATTI'U AL᷊AL᷊USASSA

¹⁰ Orassa indi Mawu buatte nanipussa paaire-Ne. I ya'u naola'e ratun Israel nallol᷊ossa iamangku, wuṛṛu i ya'u lai buatte napararisikku wal᷊en patataṛṛamawuanna Mawu Ruatan Israel.

2 TAWARIKH 6:10 Referans Kwoze

MANNANASE 1:4

Papapulunna apan sambau lumapputta wuṛṛu papapulunna waine mawuli, arawe runia sidutu ta'e aroddi.

2 TAWARIKH 1:1

Salomo ana'i Daud naola'e ratu apan matohassa pamamarentane sulal᷊ummu araratuannu Israel. Mawu Ruatane nangal᷊amatta si tou wuṛṛu na'ola'a si tou lembon uataṛṛino.

1 TAWARIKH 29:23

Ne ere naola'a pinallol᷊ossa si Daud iamangnge, i Salomo niuma'iantte su araratuanna apan buatte nitantunnu Mawu. I tou ratu apan mauntungnga masomakka wuṛṛu a'addatannu anambon walahannu Israel.

1 TAWARIKH 29:15

I'o masingkatta, oh Mawu, manungku ere lai manga al᷊amonan kami, yami lai mabbiakka su runia indi naal᷊ihidda rumaranta wuṛṛu taumata raho. Wiakki yami naal᷊ihidda lintau apan malliudda, wuṛṛu yami lai tawe maal᷊iu wuassu papate.

1 TAWARIKH 28:5

I tou nangonggolu manambo ana'a si ya'u wuṛṛu wuassu anambon ana'u udde i Tou namile si Salomo iapaparenta Israel, araratuannu Mawu.

1 TAWARIKH 17:11

Sutempo addantane napawe nia'omate papatenu wuṛṛu i'o ilabbinga su labbingu al᷊amonanu,sangkatou suwallatu parinsinu sarun Ta'u itenega maola'a ratu. Ete i tou apan sarun mapararisikku Wal᷊e-U. Araratuanne sarun Ta'u tohassanna, wuṛṛu saran mal᷊annu-l᷊annu sangkatou wuassu papapulunne sarun mamarenta maola'a sangkatou ratu.

1 MARARATU 2:12

Wua'udde i Salomo naola'e ratu nallol᷊ossa si Daud, iamangnge. Taṛṛinon Salomo naola'a sangkatou ratu lembon matohassa.

2 TAWARIKH 6:9

Arawe, wal᷊ine i'o, ewe'e ete anangngu apan sarun mapararisikku Wal᷊e-U udde.’

2 TAWARIKH 6:11

Sulal᷊ummu Wal᷊en Mawu udde i ya'u buatte nanaddia tampa panahipunanna Wantallu Paaire apan lal᷊oṛṛoannu watu paairen Mawu ringannu taumatan Israel.”

1 TAWARIKH 22:11

Ana see i Daud nabbisara apia, “Orassa indi, ana'u, antimanna Mawu Ruatanu sidutu mantul᷊ungngu. Wuṛṛu antimanna i'o wotongnge mapararisikku Wal᷊en Mawu ere lai buatte nipa'ire-Ne.