2 TAWARIKH 5:2 - WUKE SUSI WATTI'U AL᷊AL᷊USASSA

² Wua'udde i Ratu Salomo nandolokku anambon piaṛṛa'u ṛuanganna wuṛṛu wawosoanna wuassu walahannu Israel maammulla su Yerusalem mangingkattu Wantallu Paairen Mawu wuassu Sion, Soan Daud watukku Wal᷊en Mawu.

2 TAWARIKH 5:2 Referans Kwoze

2 SAMUEL 6:12

I Ratu Daud naaringikka manungku Mawu nangal᷊amatta amonanni Obed-Edom wuṛṛu anambon pussaane ana waugu Wantallu Paaire udde. Ne i tou inaite watukku wal᷊en Obed-Edom, nangal᷊appa Wantalla udde wuṛṛu niingkatta watukku Yerusalem ringannu ramea apan bahewalla.

2 TAWARIKH 1:4

Arawe Wantallu Paairen Mawu niaddo su Yerusalem sulal᷊ummu rasanna apan niola'i Daud pangaddoannu Wantalla udde sutempo niingkatti Daud wuassu Kiryat Yearim.)

DARALO 87:2

Wuassu anambon soa su Israel, Yerusalem apan arangnguan-Ne.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

2 TAWARIKH 5:1

Napawe i Ratu Salomo buatte napararisikku Wal᷊en Mawu udde, i tou nanahipunna sulal᷊ummu gudangngu wal᷊en udde anambon sal᷊a'a, wul᷊awanna wuṛṛu manga saranapa waine apan buatte nionggoli Daud iamangnge su Mawu.

1 TAWARIKH 28:1

I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.

1 TAWARIKH 26:26

I Selomit wuṛṛu manga tuṛṛangnge manarane mallu'adda al᷊awo'u aonggola apan nionggoli Ratu Daud, manga tembonannu alahanna, manga piaṛṛa'u amonanna, wuṛṛu piaṛṛa'u tantara ara'e perwira matangga.

1 TAWARIKH 24:31

Su atokku manaran mangitou, suapan tembonannu amonanna suadio'a ringannu tuarine esakka manganu undi ere lai buatte niola'u tuṛṛangngi mangitou, eteudde manga imam papapulunni Harun. Panganganu undi udde lai aellehanni Daud wuṛṛu i Zadok, i Ahimelekh see lai manga tembonannu amonanna wuassu wageangngu manga imam wuṛṛu wuassu wageangngu taumatan Lewi.

1 TAWARIKH 24:6

Papapulunni Eleazar wuṛṛu papapulunni Itamar ual᷊al᷊ol᷊ossa manganu undi, ana see manga aranni mangitou iwoṛṛettu sangkatou mamamoṛṛetta aranne i Semaya ana'i Netaneel taumatan Lewi. Sarangkanambone udde niola'a su saruannu ratu ringannu manga tepellene, i Imam Zadok, i Ahimelekh ana'i Abyatar see manga tembonannu amonannu taumatan Lewi.

1 TAWARIKH 16:1

Wantallu Pa'aire udde niaddo sulal᷊ummu rasanna apan buatte niriahin Daud maola'a pangadoannu Wantalla udde. Ana see i mangitou nangonggolu sasamba itattambunna wuṛṛu sasamban paddarame su Ruata.

1 TAWARIKH 15:25

Ne i Ratu Daud inaite su sambau ringannu manga piaṛṛa'u Israel wuṛṛu manga tembonannu tantara watukku wal᷊en Obed-Edom inai mangal᷊appa Wantallu Pa'aire udde ringannu ramea apan bahewalla.

1 TAWARIKH 15:12

I Daud nabbisara si mangitou, “Ete i yamiu indi piaṛṛa'u ṛuanganna sulal᷊ummu ṛuanganni Lewi. Ana waugu udde, i yamiu wuṛṛu manga taumatan Lewi waine ṛinone mapa'ukkassu watanganne tadea'u wotongnge mangingkattu Wantallu Pa'airen Mawu, Ruatan Israel, sutampa apan buatte niriahi'u.

2 SAMUEL 5:7

I Daud nabbisara tantarane, “Isindi pia lai taumata apan maddantinnu taumatan Yebus ere lai ya'u maddantinni mangitou? Tumaniten maddantinna i tou na'oman sara i tou ma'apulu atonna mamate si mangitou? Amungkangu aroddi, suttate su loṛṛangnga aamatannu ua'e wuṛṛu pangaloite manga taumata peṛṛo wuṛṛu wuta apan ia'arantingku udde.” (Ana waugu udde taumata mabbisara, “Taumata wuta wuṛṛu taumata peṛṛo tawe wotongnge sumutta su Wal᷊en Mawu.”) I Daud naapangaṛṛo tanda'a watu su Sion wuṛṛu natana'a isudde. Soa udde nisaggone “Soan Daud”. Soa udde niolangnge uapal᷊iwutta tanda'a watu udde, manattakka wuassu samba'a ra'in buidda apan niomboannu leta'a.

REENGANNA 10:36

Wuṛṛu suapan Bantallu Pa'aire udde ma'oma su tampa pangillol᷊oanna, i Musa mabbisara, “Pabbelengke, oh Mawu, su walahannu Israel apan su ṛiwune indi.”

REENGANNA 10:33

Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

IMAMATTA 9:5

Sarangkanambone apan nitanatan Musa niapiddi mangitou su saruannu Rasanna, wuṛṛu ṛuanganna sarangkanambone naammulla isudde mattaṛṛamawu su Mawu.

1 TAWARIKH 15:1

I Daud napararisikku manga wal᷊ene su Soan Daud, wuṛṛu nandiahi tampa pangaddoannu Wantallu Paairen Duata ana see namasen rasannu Wantalla udde.

1 TAWARIKH 15:3

Ne i Daud namago anambon taumatan Israel niaparanta su Yerusalem tadea'u mangingkattu Wantallu Paairen Mawu sutampa apan buatte niriahine.