2 TAWARIKH 5:10 - WUKE SUSI WATTI'U AL᷊AL᷊USASSA

¹⁰ Sulal᷊ummu Wantallu Paaire udde tawe saran sambau saranapa, tumba'u darua ul᷊appane watu. Manga watu udde buatte nitaṛṛon Musa isudde su Wowon Sinai, sutempo Mawu na'ola'a paaire ringannu walahannu Israel sutempo i mangitou sulal᷊ummu amatanna wuassu Mesir mabatukku wanua Kanaan.

2 TAWARIKH 5:10 Referans Kwoze

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

2 TAWARIKH 6:11

Sulal᷊ummu Wal᷊en Mawu udde i ya'u buatte nanaddia tampa panahipunanna Wantallu Paaire apan lal᷊oṛṛoannu watu paairen Mawu ringannu taumatan Israel.”

SASABANGNGA 19:5

Orassa indi amungkangngu i yamiu matuṛṛutta su pa'aire-U, i yamiu sarun Ta'u olaanna al᷊aṛṛana-U sassane. Ahewallu runia indi udde tatahuanang-Ku, arawe i yamiu sarun maola'a pussaa-U arangnguang-Ku,

TAHIUL᷊E 29:1

Indiwe manga wisaran pa'aire wuassu parentan Mawu apan niola'i Musa su walahannu Israel su tempo i mangitou su leta'u Moab. Pa'aire udde maola'a tatimune wuassu pa'aire apan niola'u Mawu si mangitou su Wowon Sinai.

SASABANGNGA 40:20

Wua'udde watu udde nitaṛṛo sulal᷊ummu Wantallu Pa'aire. Ana see i Musa nanutubbu Wantalla udde wuṛṛu nanuṛṛin alu papasanna sulal᷊ummu hal᷊angnge.

SASABANGNGA 34:1

Wua'udde Mawu nabbisara si Musa, “Pamaangke ruan kul᷊appa watu ere dorone. Su watu udde i Ya'u sarun mamoṛṛettu manga wisara apan uasul᷊ungnga su watu appan buatte Ta'u nipesangnga udde.

SASABANGNGA 32:19

Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.