2 TAWARIKH 4:19 - WUKE SUSI WATTI'U AL᷊AL᷊USASSA

^19-22 Ratu Salomo lai nandolokka niapal᷊anginnu manga saranapa waine wuassu wul᷊awanna tutune tadea'u iaddo su Wal᷊en Mawu. Indiwe manga saranapa apan nilanginne udde: Mezbah Medda pangimbeannu roti Anambon leddan sol᷊o ringannu sol᷊one wuassu wul᷊awanna tutune tadea'u re'omanna su saruannu Wabbo'a Lembon Susi, ere buatte niṛṛiinna Manga lal᷊ogakka saṛṛene ere bunga Manga sol᷊o Manga sasipitta Wawaresi sumbun sol᷊o Manga mangko Manga lama'a amania Manga lama'a human waṛṛa Anambon ngara suttanna su Wal᷊en Mawu wuṛṛu ngara Wabbo'a Lembon Susi nioosannu wul᷊awanna.

2 TAWARIKH 4:19 Referans Kwoze

SONDAPPA 9:13

Wua'udde mala'ekatta ai'annume nattiuppa trompeti tou. Ne i ya'u naaringikka tingikka nirumanta wuassu appatu pabbuuannu Mezbah wul᷊awanna apan uaraddo su saruannu Ruata.

SONDAPPA 8:3

Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

YEREMIA 28:3

Sulal᷊ummu tempo rua tonna i Ya'u sarun mamelengngu manga saranapa wuassu Wal᷊e-U, apan buatte niṛṛootti Ratu Nebukadnezar watukku Babel.

2 TAWARIKH 36:18

Manga aola'u Wal᷊en Mawu wuṛṛu manga saranapane apan maarega, see lai paa'alan ratu wuṛṛu manga mamanaran araratuanne, sarangkanambone niaṛṛon ratun Babel udde ana see niapidda watukku Babel.

2 TAWARIKH 36:10

Su panggahanti tonna, i Ratu Nebukadnezar nangapidi Yoyakhin watukku Babel naola'a sangkatou taumata niatawanna, wuṛṛu manga saranapa maarega su Wal᷊en Mawu niapiddi tou lai. Wua'udde i Nebukadnezar namile si Zedekia, tuṛṛangngu iamangngu i Yoyakhin, naola'a ratu su Yehuda wuṛṛu Yerusalem.

1 TAWARIKH 28:16

manga medda wuassu sal᷊a'a, wuṛṛu suapan medda bul᷊awanna pangadoannu roti sasamba su Ruata.

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

MATIUS 12:4

I tou sinumutta sulal᷊ummu Wal᷊en Duata; see inumanna roti apan suete niola'a sasamba su Ruata. Sumbal᷊i tumuṛṛuttu titan agamang kite, i tou wuṛṛu manga taumatane tawe wotongnge umanna roti udde – tumba'u manga imam udde wotongnge.

2 TAWARIKH 2:3

Salomo nandohon batti'a indi si Hiram ratun Tirus, “Ṛinone i Tuangnga mangatokku paddaragangnga ringangku ere lai niola'i Tuangnga si Daud iamangku. Tuangnga buatte nabbal᷊u'u alun cemaran Libanon si tou niapaola'a wal᷊en araratuanne.