2 TAWARIKH 34:4 - WUKE SUSI WATTI'U AL᷊AL᷊USASSA

⁴ Manga paal᷊uanna wuṛṛu manga monganna udde nihohakku tantaran Yosia ana see omane nisal᷊iawukki mangitou su wowon labbingu manga taumata apan mangngonggolu sasamba su manga monganna udde. Manga mezbah Baal wuṛṛu manga mezbah amania isudde niṛṛa'an mangitou.

2 TAWARIKH 34:4 Referans Kwoze

SASABANGNGA 32:20

Wua'udde i tou nanganu paal᷊uanna sapi niola'u manga taumatan Israel udde, ana see niwoso wuṛṛu niwalu na'oman sara naal᷊ussa ere awu, ana see nilo'annu ua'e. Wua'udde i tou nandolokku taumatan Israel niapa'inumma.

IMAMATTA 26:30

I Ya'u sarun makkimunsa'a manga tampa patataṛamawuanu su wowon manga wuidda, manggohakku manga mezbahnu tampa panutunganna amania, wuṛṛu mallombo manga winal᷊unannu su manga mongannu apan naṛaate udde. Ringannu maddantinna

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

DARALO 18:42

I mangitou mangngintul᷊i, arawe taweddu mangontola, i mangitou sussal᷊ande su Mawu, arawe i Tou tawe sinumimbakka.

2 TAWARIKH 34:7

Manga mezbah wuṛṛu manga paal᷊uanni Asyera su ahewallu Araratuannu Sawannakka niṛṛa'an Yosia, ana see manga paal᷊uanne wuṛṛu anambon mezbah amania niṛṛimunsange. Wua'udde i Yosia napul᷊ete watukku Yerusalem.

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

2 TAWARIKH 14:5

Anambon tampa passubbanna paal᷊uanna wuṛṛu tampa panambunannu amania niingkatta wuassu manga soan Yehuda. Ne matammudde araratuanna udde su al᷊ungngu parentane,

TAHIUL᷊E 9:21

Paal᷊uanna sapi logamma niolangngu, ta'u iwareta sulal᷊ummu putungnga. Ana see ta'u ṛimunsa'a wuṛṛu niwalu ma'oman sara al᷊ussa naal᷊ihidda awu, wuṛṛu awu udde ta'u niwareta sulal᷊ummu ana'u sal᷊ukka apan mangngelekka wuassu wowone udde.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

TAHIUL᷊E 7:5

Ana waugu udde, hogaṛṛa'e manga mezbah manga walahanna udde, ṛimunsa'a manga diṛṛi watu apan sassunnanni mangitou maṛṛaubba, watanga'a manga waneṛṛan Asyera, wuṛṛu tambuna'e manga paal᷊uanna apan sassubbanni mangitou.

SASABANGNGA 23:24

Imbaṛṛangnga massubba manga paal᷊uanna mallal᷊u'adda si mangitou wuṛṛu imbaṛṛangnga mattanno ola'i mangitou mattaṛṛamawu. Ṛimunsa'e manga paal᷊uanna mallal᷊u'addi mangitou udde wuṛṛu paddite manga diṛṛi watu apan nipaatti mangitou pattaṛṛamawuanna.

SASABANGNGA 34:13

Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.

2 TAWARIKH 33:22

Nangaṛṛussa lai iamangnge i tou na'ola'a rosa su lantakku hatin Mawu. I tou massubba manga paal᷊uanna apan sassubbannu iamangnge wuṛṛu mangngonggolu sasamba su manga paal᷊uanna udde.

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?

1 MARARATU 13:2

Wuassu parentan Mawu nabi nabbisarate su mezbah udde, “Ei mezbah, ei mezbah! Arendi wisaran Mawu, ‘Sangkatou ana'a apan isassaggo Yosia sarun iasungkangnga sulal᷊ummu amonanni Daud. Uarandangnga si'o, ei mezbah, i tou sarun mamate manga imam apan mammanara su manga tampan patataṛṛamawuanna monganna, wuṛṛu apan lai buatte nangonggollu sasamba uarandangnga si'o. Wuṛṛu su wowonu lai i tou sarun manambunu manga duṛṛin taumata.’ ”

2 TAWARIKH 30:14

Manga mezbah su Yerusalem apan nipaatta pangangadoannu sasamba wuṛṛu panambunannu amania su manga monganna, sarangkanambone nianu wuṛṛu niramme su Wawal᷊annu Kidron.

2 TAWARIKH 31:1

Napawe ramea nuddusse, tumanangnge sarangkanambone inaite su al᷊awo'u soa su Yehuda, ana see nanggohakku manga pale pasasubbanna, naṛṛa'an manga paal᷊uanna apan niaparisikka hunan Mongannu Asyera, wuṛṛu nanggohakku manga mezbah see lai manga tampa passubbanna paal᷊uanna. I mangitou na'ola'a aroddi lai su manga tampa waine su Yehuda, see su wageangngu leta'i Benyamin, Efraim, wuṛṛu Manasye. Wua'udde i mangitou sarangkanambone napul᷊ete su wanuane sambau-sambau.

2 TAWARIKH 34:33

Manga paal᷊uanna apan maarantinna, apan uaraddo su manga tampa nasutta su wageangngu leta'u Israel, sarangkanambone niṛṛimunsa'i Ratu Yosia. Ana see i tou namarenta tumanangnge mattaṛṛamawu Mawu, Ruatan al᷊amonan mangitou. Ne sutempo al᷊annune i Yosia wiakka, tumanangnge sidutu tuttuṛṛutta Mawu.