2 TAWARIKH 33:2 - WUKE SUSI WATTI'U AL᷊AL᷊USASSA

² I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

2 TAWARIKH 33:2 Referans Kwoze

2 TAWARIKH 28:3

ana see nanambunnu amania su Wawal᷊annu Hinom. Ewe'e lai anangnge esakka sassane nionggola maola'a sasamba su monganna, tumuṛṛuttu anaramma lal᷊eo wuassu manga taumata apan buatte nilimbuaṛannu Mawu wuassu wanua Kanaan sutempo taumatan Israel sinumutta su wanua udde.

TAHIUL᷊E 18:9

“Amungkangngu i yamiu nasuttate su wanua apan nionggolu Mawu Ruatanu si yamiu, ariewe mattanno al᷊al᷊eo apan a'olaannu manga walahanna isudde.

YEHEZKIEL 11:12

Ne i yamiu masingkatte manungku ete i Ya'u Mawu wuṛṛu i yamiu Ta'u iṛṛuumanna ana waugu buatte nilumawangnga manga parenta-Ku ringannu tuttuṛṛutta manga titan balahanna maraninu.”

YEREMIA 15:4

I Ya'u sarun ma'ola'a anambon balahanna su runia matta'utta maasilo si mangitou. Sarangkanambone udde Ta'u olaanna ana waugu inolaanni Manasye ana'i Hizkia su Yerusalem sutempo i tou naola'a ratun Yehuda.”

EZRA 9:14

Nariaddi, ereapa wotongnge i yami tawe maddaringikka manga parenta-Nu lai wuṛṛu maawingngu ringannu manga taumata apan lal᷊eo udde? Amungkangngu i yami ma'ola'a udde, I'o sarun masa'u na'oman sara makkimunsa'a si yami wuṛṛu tawe mamalan saran sangkatou wiakka.

2 TAWARIKH 36:14

Wal᷊ine wua'udde lai, Wal᷊en Mawu apan buatte niṛṛaen Mawu sassane hunan Tou, nil᷊al᷊eon manga piaṛṛa'u Yehuda, manga imam, wuṛṛu tumanangnge, ana waugu i mangitou lai suadio'a massubba paal᷊uanna wuṛṛu nangaṛṛussa ola'u pabbiaṛṛanna apan maarosa wuassu walahanna apan ual᷊indonganni mangitou.

2 MARARATU 21:9

Arawe taumatan Yehuda mal᷊awanga Mawu, wuṛṛu ewe'e lai ete i Manasye na'oman sara i mangitou na'ola'a manga rosa apan al᷊eoanne wuassu rosa apan niola'u manga walahanna apan nilimbuaṛṛanu Mawu wuassu Kanaan sutempo walahannu Israel sinumutta su wanua udde.

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

2 MARARATU 17:11

I mangitou lai nanambunnu amania su anambon mezbah hunane tumba'u su monganna, ere inanaramannu manga walahanna apan buatte nilimbuaṛannu Mawu wuassu wanua Kanaan. I mangitou massubba paal᷊uanna, salaiwe Mawu buatte naningadda. Al᷊awo'u inolaanni mangitou apan dal᷊eo mandantan asasa'un Mawu.

TAHIUL᷊E 18:14

Wua'udde i Musa nabbisara, “Manga walahanna su wanua apan wawanuanni yamiu udde maddaringikka tatantiron taṛṛa si'atta wuṛṛu maddea'a manga tatiala. Arawe Mawu Ruatanu tawe mamalan kamiu ma'ola'a pallal᷊aghu udde.

TAHIUL᷊E 12:31

Lalaghu manga walahanna udde massubba manga mawun mangitou, imbaṛṛangnga tannoanni yamiu ipassubba Mawu Ruatanu, ana waugu i mangitou massubba ringannu manga inolaanna lal᷊eo apan ia'arantinnu Mawu. Ewe'e lai manga ana'i mangitou sassane tutunganni mangitou su wowon mezbah maola'a sasamba su manga Mawu mangitou.

2 TAWARIKH 33:22

Nangaṛṛussa lai iamangnge i tou na'ola'a rosa su lantakku hatin Mawu. I tou massubba manga paal᷊uanna apan sassubbannu iamangnge wuṛṛu mangngonggolu sasamba su manga paal᷊uanna udde.

TAHIUL᷊E 12:29

“Mawu Ruatanu sarun mamate manga walahanna apan utana'a su wanua udde, na'oman sara i yamiu wotongnge matana'a wuṛṛu mamanua su wanua udde.