2 TAWARIKH 32:25 - WUKE SUSI WATTI'U AL᷊AL᷊USASSA

²⁵ Arawe ana waugu i tou mawunga, i tou tawe naadiangkamanna su apapia apan buatte nionggolu Mawu si tou. Ana waugu' udde Mawu nasa'u su Yehuda wuṛṛu Yerusalem.

2 TAWARIKH 32:25 Referans Kwoze

2 TAWARIKH 24:18

Ne tumanangnge tate lai mattaṛṛamawu su Wal᷊en Mawu, Ruatan al᷊amonan mangitou, arawe massubbate monganna wuṛṛu paal᷊uannu Asyera. Rosan mangitou udde naasa'u Mawu su tumana'u Yehuda wuṛṛu Yerusalem.

2 TAWARIKH 26:16

Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

2 TAWARIKH 32:31

Wuṛṛu sutempo manga daroloṛṛanna wuassu Babel nirumanta naiwal᷊o si tou su ola'u apapiane apan maatiangnga, Mawu namalan Hizkia mangatokka sassane, tadea'u wotongnge manaṛṛassidda naungnge.

2 SAMUEL 24:1

Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

2 MARARATU 14:10

I'o, Amazia, nabbal᷊ite mawunga, ana waugu i'o buatte namaddon taumatan Edom. Ne wal᷊inewe auntunganna udde wotongngete? Mappianne i'o paatana'e su wal᷊en! Ipa'ura maddea'a hatto tumba'u manilaka watangannu wuṛṛu tumana'u soanu?”

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

1 TIMOTIUS 3:6

Sangkatou mallal᷊u'ada jamaatta tawe wotongnge taumata wakkute sinumutta Saṛṛani, ana waugu takka i tou mabbal᷊i mawunga see awontohanna ere Setanna dorone.

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

YEHEZKIEL 28:17

Hatinu apan maṛṛamaga naa'ola'a si'o mawunga wuṛṛu atatelengnga naaola'a si'o mammanara woddo. Ana waugu udde i'o Ta'u iwantinga su leta'a wuṛṛu Ta'u olaanna pananaunganna su manga ratu waine.’ ”

YEHEZKIEL 28:5

Atonna, i'o pande maddagangnga wuṛṛu orassa indi naalate, wuṛṛu pa'aalanu udde naaola'a si'o mawunga!’ ”

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

2 TAWARIKH 25:19

I'o Amazia, tuttal᷊umama manungku i'o buatte namaddon taumatan Edom, arawe mappianne i'o paatana'e su wal᷊en. Ipa'ura uaradea'a hatto apan tumba'u manilaka watangannu wuṛṛu tumanangngu?”

2 TAWARIKH 19:2

sangkatou nabi aranne i Yehu ana'i Hanani nirumanta sinumaruanna ratu. Nabbi udde nabbisara ratu, “Apa naṛṛinote i Tuangnga nassumbala Taumata lal᷊eo, wuṛṛu mannamba'a taumata apan maddantinnu Mawu? Inolaanni Tuangnga udde naasa'u naungngu Mawu si Tuangnga.

1 TAWARIKH 21:1

Setanna maapulu manilaka taumatan Israel; ana waugu udde i tou nassal᷊o'i Daud tadea'u ma'ola'a pandareengnga.

2 MARARATU 20:13

I Hizkia nanal᷊oho manga daroloṛṛanna udde wuṛṛu namasilon al᷊awo'u pa'a'alane si mangitou, eteudde wul᷊awanna wuṛṛu sal᷊a'a, rampa-rampa wuṛṛu lana mawangngi, see lai anambon tantarane. Tawe lallinge saranapa su wal᷊en araratuanna apan tawe niapasilo si mangitou.

TAHIUL᷊E 32:6

Ete aroddi yamiu mabbal᷊issa apapian Mawu, ei manga taumata longonna wuṛṛu tawe ṛingiranne? Wal᷊inewe i Tou Iamangngu, Mandariadinu, apan na'ola'a si yamiu sambau walahanna?

YESAYA 39:2

I Hizkia nanal᷊oho manga daroloṛṛanna udde ringannu naungnga mal᷊uassa wuṛṛu namasilo si mangitou anambon pa'a'alane, eteudde wul᷊awanna wuṛṛu sal᷊a'a, manga rampa-rampa wuṛṛu lana mawangngi, wuṛṛu anambon ahiddu tantarane. Tawe saran sambau su wal᷊en araratuanna wuṛṛu su ahewallu araratuanne apan tawe nipasilone si mangitou.

YEHEZKIEL 31:10

Ana waugu udde, i Ya'u, Mawu Apan Atanggaṛṛanne, namasingkatta si'o apa apan sarun mariaddi su aal᷊uanna apan otongnge naddatingngu winabbawa udde. Ana waugu lembon matanggakka, i tou aatambanna wungane.

2 MARARATU 20:12

Sutempo udde ratun Babel, eteudde i Merodakh-Baladan ana'i Baladan, naaringikka manungku i Ratu Hizkia wakkute napia wuassu radda'a. Ne i tou nandolokku taumata niapaapiddu suratta wuṛṛu aonggola si Ratu Hizkia.

YESAYA 39:1

Sutempo udde, ratun Babel, eteudde i Merodakh ana'i Baladan, naaringikka manungku i Ratu Hizkia wakkute napia wuassu radda'a. Ne i tou nandolokku taumata niapaapiddu suratta wuṛṛu aonggolla si Hizkia.

DANIEL 11:12

Wua'udde i tou sarun lumassa ana waugu auntunganne wuṛṛu ana waugu buatte namate manambo seetta, arawe i tou tawe sidutu uataṛṛino.