2 TAWARIKH 32:23 - WUKE SUSI WATTI'U AL᷊AL᷊USASSA

²³ Manambo taumata nirumanta watukku Yerusalem uaapiddu sasamba su Mawu wuṛṛu manga aonggola si Hizkia, na'oman sara nanattakka orassa udde i tou aaddatannu anambon walahanna.

2 TAWARIKH 32:23 Referans Kwoze

2 TAWARIKH 17:5

Mawu nangonggola si Yosafat araratuanna apan matohassa su Yehuda. Tumanangnge sarangkanambone nangonggolu manga aonggola si tou, ne i tou nabbal᷊ite ala wuṛṛu aaddatanna.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

2 TAWARIKH 9:24

I mangitou sambau-sambau nirumanta ringannu uaapiddu aonggola si Salomo. I mangitou nangonggolu manga saranapa sal᷊a'a wul᷊awanna, laubba, lutangnga, rampa-rampa, awal᷊o wuṛṛu domba. Etearoddi tonna ual᷊alol᷊ossa tonna.

2 TAWARIKH 1:1

Salomo ana'i Daud naola'e ratu apan matohassa pamamarentane sulal᷊ummu araratuannu Israel. Mawu Ruatane nangal᷊amatta si tou wuṛṛu na'ola'a si tou lembon uataṛṛino.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 68:29

Ruatanu maddea'a atatohannu; oh Ruata, tohassawe sarangkanambone apan buatte niolang-Ngu si yami.

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

2 TAWARIKH 17:11

Wuassu taumatan Filistin i tou nanengkamma manambo sal᷊a'a wuṛṛu manga aonggola waine, wuṛṛu wuassu taumatan Arab i tou nanengkamma 7.700 domba wuṛṛu 7.700 ambinga.

1 TAWARIKH 29:25

Mawu na'ola'a anambon tumanangnge tinumiangnga si Ratu Salomo wuṛṛu na'ola'a si tou ratu apan lembon matohassa wuassu anambon datu apan buatte namarenta Israel.

1 MARARATU 10:25

I mangitou sangkatou-sangkatou nirumanta ringannu uaapiddu aonggolla hunan Salomo. I mangitou nangonggollu manga saranapa sal᷊a'a, wul᷊awanna, laubba, lutangnga, rampa-rampa, awal᷊o wuṛṛu bagal. Etearoddi suapan tonna mallal᷊isansunna.

1 MARARATU 10:10

Wua'udde ratun banua Syeba udde nanantilla si Salomo manga aonggolla apan niapidde, eteudde nilumebbe wuassu 4.000 su kilone wul᷊awanna wuṛṛu marasai watu permata see rampa-rampa. Tate saran paassa lai i Salomo nanarimmattu rampa-rampa apan aroddi anambone ere nionggollu ratun banua Syeba udde si tou. (

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

2 MARARATU 19:30

Taumatan Yehuda apan ta'e mabbiakka su al᷊al᷊uassa ere sinuananna apan malal᷊umma ṛamunne wuṛṛu napasabbangu wuane.

DARALO 76:11

Manga taumata apan tumaniten mal᷊aṛṛaga lai maddalo Si'o, wuṛṛu apan ta'e massa'u ual᷊uṛen nasa tatiala lullal᷊o.