2 TAWARIKH 32:21 - WUKE SUSI WATTI'U AL᷊AL᷊USASSA

²¹ Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.

2 TAWARIKH 32:21 Referans Kwoze

DARALO 76:5

Mangke mawantuga I'o, wuṛṛu lullansianga, nangillembo wuassu manga wowonen al᷊amona.

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

YESAYA 37:21

Wua'udde i Yesaya nangirimmu tanata si Ratu Hizkia maola'a sambau sasimbakku aal᷊iomannu ratu,

YESAYA 36:9

Su ipando'appa tembonannu tantaran Asyur apan awawoanne lai i yamiu wal᷊ine parene. Arawe i yamiu mangngantimma lai Mesir mangirimmu sasumbala keretan pangalo wuṛṛu tantaran awal᷊o!

YESAYA 10:8

I tou mammungan batanganne, wisarane, “Manga tembonannu tantara'u sarangkanambone manga ratu!

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

AMSAL 11:2

Taumata mawunga sarun al᷊uandahanna; taumata naungnge mawawo i tou taumata pande.

DARALO 132:18

Araratuanne sarun sidutu su lal᷊umanna'a, arawe manga seenne sarun pansilianna.”

DARALO 76:12

Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

DARALO 18:50

Ne i ya'u mamantuga Si'o suwallattu manga walahanna, wuṛṛu i ya'u mangngantarin daralo Si'o.

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?

2 MARARATU 19:20

Wua'udde i Yesaya nangirimmu tanata si Ratu Hizkia maola'a sasimbakku aal᷊iomannu ratu,

2 SAMUEL 24:16

Mala'ekattu Mawu apan uaapiddu papate na'omate su tampa pakkindanna gandumma tatahuananni Arauna, taumatan Yebus. Sutempo Mawu naasilo manungku mala'ekatta udde nasaddiate manginsue Yerusalem, Mawu namal᷊u laṛṛawen-Ne, ne mala'ekatta udde naddote nakkuumannu walahanna udde. Wisara-Ne su mala'ekatta udde, “Wotongngete! Addote!”

DANIEL 3:28

Ana see ratu nabbisarate, “Paddalote Ruata apan sassubbanni Sadrakh, Mesakh wuṛṛu Abednego. I Tou buatte nandolokku mala'ekan-Ne iapasal᷊amatta siri tallu allang-Nge apan mangngimanna si Tou. I mangitou buatte nilumawangnga parenta'u wuṛṛu mappianne nate wuassu massubba ara'e maddalo al᷊awo'u monganna tabbene'e Ruatan mangitou sassane.

2 TAWARIKH 32:20

Ne niumal᷊iomante i Ratu Hizkia wuṛṛu Nabi Yesaya ana'i Amos. Itarua sussal᷊ande maddorongnga aontolla wuassu Ruata.

2 TAWARIKH 32:22

Etearoddi olangnge Mawu namallossi Ratu Hizkia wuṛṛu tumana'u Yerusalem wuassu tarṛinon Sanherib ratun Asyur, wuṛṛu wuassu manga seetti mangitou waine. Mawu nangonggola si mangitou mabbiakka mal᷊angnganna taweddu manal᷊are wuassu manga araratuanna su al᷊indonganni mangitou.

DARALO 44:15

I Yami niolang-Ngu pappasendeṛannu manga walahanna; i mangitou uapapa'ilinga lapiddu mangngadio'a si yami.

DARALO 76:6

Manga taumata waṛṛani buatte nipangaṛoanna; i mangitou niamatiil᷊anna wuṛṛu tate maatimpu'o. Manga tantara waṛṛani wuṛṛu matohassa niawul᷊ianten atatohanne.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

YEREMIA 21:2

“Paddorongke tatantiro wuassu Mawu si ite, ana waugu i Nebukadnezar ratun Babel ringannu tantarane tantal᷊anna malliwunna soang kite. Asinungka Mawu sarun ma'ola'a al᷊aṛṛindu'a si ite, wuṛṛu mamata'i Nebukadnezar mantal᷊angngu tantarane.”