2 TAWARIKH 30:8 - WUKE SUSI WATTI'U AL᷊AL᷊USASSA

⁸ Imbaṛṛangnga i yamiu mal᷊awangnga ere i mangitou, arawe paatuṛṛutte Mawu. Rantate watukku Yerusalem su Wal᷊en Mawu apan buatte niṛṛaen Mawu Ruatanu su watangan-Ne saran mal᷊annu-l᷊annu. Wette mattaṛṛamawu si Tou tadea'u umompo'e asasa'u-Ne su saruanni yamiu.

2 TAWARIKH 30:8 Referans Kwoze

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

SASABANGNGA 32:9

I Ya'u masingkatta manungku walahannu udde tate maddaringikka.

TAHIUL᷊E 10:16

Nariaddi manattakka orassa indi yamiu ṛinone matuṛṛutta su Mawu wuṛṛu puanu tate mangattikka lai.

SONDAPPA 7:15

Ana waugu udde i mangitou uarisikka su saruannu adderan araratuannu Ruata, wuṛṛu mattaṛṛamawu si Tou allo ṛabbi su Wal᷊e Mawu. Wuṛṛu i Tou apan ua'ianna su adderan araratuanna udde sarun masemodda ringanni mangitou wuṛṛu manirungnga si mangitou.

ROMA 10:21

Arawe su ola'u walahannu Israel Yesaya nabbisara, “Arendite unnu Ruata, ‘Su al᷊o'engngu allo i Ya'u mangngul᷊ukku lima-U su sambau walahanna apan mal᷊awangnga wuṛṛu tawe tumuṛṛutta.’ ”

ROMA 6:22

Arawe orassa indi yamiu buatte niapaal᷊iu wuassu rosa, wuṛṛu naola'e allangngu Ruata. Auntungannu eteudde manungku i'o mabbiakka tumba'u hunane su Ruata wuṛṛu su olangnge udde sarun mandantan wiakka tutune wuṛṛu saran mal᷊annu-l᷊annu.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

DARALO 78:49

I Tou napasabbangu asasa'u-Ne apan lukkenggamma ringannu nandolokku sambageanganna mala'ekattu papate apan na'ola'a si mangitou niasueannu naungnga.

DARALO 73:17

Panginsueanne i ya'u sinumutta su Wal᷊en Mawu, ana see naasunnate panguddusannu taumata lal᷊eo.

DARALO 68:31

Limbuaṛṛete Mesir, winatangnga mal᷊aṛṛaga udde wuassu pattangngannu tiwo. Tagguete manga walahanna, ammul᷊annu bantenga udde ringannu al᷊aṛṛanangnge, apan ual᷊aṛinda tadea'u maasomba sal᷊a'a. Ruata nanal᷊iawukku manga walahanna apan apulune uapapangalo.

DARALO 68:24

tadea'u i yamiu mangukkassa leddanu ringannu daṛṛan mangitou, wuṛṛu manga asunu mallewa daṛṛa udde mal᷊ai-l᷊aidda.”

DARALO 63:2

Oh Ruata, ete I'o Ruata'u, i ya'u maddea'a wuṛṛu laṛṛintulu'u I'o. Naal᷊ihidda leta'a maṛṛasa maroun kua'e, aroddi lai i ya'u maroun Mawu.

EZRA 10:19

I mangitou naddiandi sarun manindo awingngi mangitou, ana see i mangitou mangonggollu sasamba domba esakka maola'a sasamba aampungnga rosan mangitou.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

2 TAWARIKH 28:13

I mangitou nabbisara, “Imbaṛṛangnga mangapiddu manga taumata niatawanna udde inawarendi! I ite narosate su saruannu Mawu, wuṛṛu manga rosan kite tumaniten manambo tadea'u ipakkuumanni ite. Orassa indi yamiu tumba'u na'ola'a sambau inolaanna apan tumba'u maatamba pasasal᷊an kite.”

2 TAWARIKH 28:11

Paddaringikka! Manga taumata apan niatawanna indi uddewe manga tuṛṛangngu. Nariaddi i mangitou doloṛṛa'e paapul᷊ea'a. Amungkangu tawe, Mawu sarun masa'u wuṛṛu makkuumanni yamiu.”

1 TAWARIKH 29:24

Anambon mammamanaran araratuanna sipil wuṛṛu tantara na'oman sara manga parinsin Daud apan baine lai nanga'u si Salomo naola'a ratu.

2 MARARATU 23:26

Arawe inolaanni Ratu Manasye nandantan asasa'u Mawu su Yehuda; wuṛṛu asasa'u-Ne udde taambe nompo'a.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

TAHIUL᷊E 6:17

Paatuṛṛutta anambon tita apan nionggolu Mawu Ruatanu si yamiu.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

EZRA 10:14

Wala'e manga piaṛṛa'i yami matana'a su Yerusalem wuṛṛu ma'ola'a hatto udde. Ana see suapan taumata su manga soan kami, apan pia awingnge wuassu walahannu raho, ṛinone rumanta sutempo apan buatte nitantunna, suaddio'a ringannu manga piaṛṛa'a wuṛṛu mallaṛṛuungngu soane sambau-sambau. Ringannu aroddi Ruata tate lai masa'u si ite ana waugu hatto udde.”

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

2 TAWARIKH 7:16

Sarangkanambone udde sarun Ta'u olaanna ana waugu tampa indi buatte Ta'u nipile wuṛṛu Ta'u niṛṛae maola'a tampa patataṛṛamawuanna si Ya'u saran mal᷊annu-l᷊annu. I Ya'u sarun ma'ellega wuṛṛu mallu'adda su al᷊o'engngu tempo.