2 TAWARIKH 28:7 - WUKE SUSI WATTI'U AL᷊AL᷊USASSA

⁷ Ana'i Ahas, aranne i Maaseya nipaten Zikhri sangkatou piaṛṛa'u tantaran Israel. I Zikhri lai nipaten Azrikam, mallal᷊u'addu wal᷊en araratuanna, wuṛṛu i Elkana, taumata apangimanannu ratu.

2 TAWARIKH 28:7 Referans Kwoze

ESTER 10:3

Mordekhai, taumatan Yahudi udde sidutu uaagassa manara atanggaṛṛanne su al᷊ungngi Ratu Ahasyweros sassane. Mordekhai aaddatanna wuṛṛu ipaapulun manga taumata sambalahanne. I tou mattinsahadda hunan asasal᷊amatta wuṛṛu lal᷊umanna'u walahanne see anambon papapulunni mangitou.

PANDARIADDI 43:15

Wua'udde manga tuṛṛangngi Yusuf nangapiddu manga aonggola udde wuṛṛu roitta anambone paarua wuassu niapiddi mangitou dorone, ana see inaite watukku Mesir suadio'a ringanni Benyamin. Napawe na'omate poiaroddi, i mangitou sinumaruante si Yusuf.

PANDARIADDI 43:12

Apira'e lai roitta paarua anambone wuassu niapiddi yamiu dorone, ana waugu roitta apan niasombanganna sulal᷊ummu karongngi yamiu ṛinone iapawelengngi yamiu. Asinungka udde ere na'al᷊iwu.

PANDARIADDI 41:43

Ana see i tou nangonggola si Yusuf sambau keretan araratuanna aruane maola'a sasa'eanne, wuṛṛu mandariaga awawantugu ratu u'amatta su saruannu kereta udde apiddu u'ui, “Ore! Paamata'a! Paamata'a!” Etearoddi i Yusuf nitenega naola'a gubernure su ahewallu Mesir.

2 TAWARIKH 28:8

Salaiwe manga taumatan Yehuda sambalahannu walahannu Israel, arawe tantaran Israel nanawanna 200.000 su atoune wawine wuṛṛu al᷊aṛṛana'a, ana see i mangitou niapidda watukku Samaria suadio'a ringannu saranapa niaṛṛo apan tumaniten manambo.