2 TAWARIKH 28:5 - WUKE SUSI WATTI'U AL᷊AL᷊USASSA

^5-6 Ana waugu i Ratu Ahas na'ola'a rosa, Mawu Ruatane namalan tou niawaddon ratun Siria wuṛṛu lai nangapiddu manambo taumatan Yehuda apan niatawanna niapidda watukku Damsyik. Mawu lai namalan Ahas niawaddon Ratu Pekah ana'i Remalya wuassu Israel, apan sulal᷊ummu allo massallo namate 120.000 tantaran Yehuda apan awaṛṛanianne. Mawu, Ruatan al᷊amonan mangitou namalan sarangkanambone udde nariaddi, ana waugu tumana'u Yehuda tate lai maddaringikka Mawu.

2 TAWARIKH 28:5 Referans Kwoze

YESAYA 7:1

Ratu Ahas eteudde ana'i Yotam pulunni Uzia. Sutempo i tou uaparenta Yehuda, napesangke pangalo. Rezin ratun Siria, wuṛṛu i Pekah ana'i Remalya ratun Israel, nirumanta namangalo Yerusalem. Arawe i mangitou tawe naawaddon soa udde.

2 TAWARIKH 24:24

Tantaran Damsyik tumaniten matul᷊ungnga, arawe Mawu namalan mangitou mamaddon tantaran Yehuda apan tumaniten manambo, ana waugu taumatan Yehuda tate maddaringikka Mawu, Ruatan al᷊amonan mangitou. Ringannu olangnge aroddi Mawu nakkuumanni Ratu Yoas.

YESAYA 7:6

I mangitou mappulu mamangalo Yehuda wuṛṛu mamata'utta tumanangnge tadea'u manamba'a si mangitou, ana see manenegi parinsin Tabeel maola'a ratu.

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

2 TAWARIKH 36:5

Yoyakim uukke 25 su tonnane sutempo i tou naola'a ratun Yehuda, ne i tou namarenta su Yerusalem 11 su tonnane al᷊annune.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

2 TAWARIKH 29:9

Manga iamangngi ite nate sulal᷊ummu pangalo, wuṛṛu ana'a, awingngi ite niapiadda naola'a taumata niatawanna.

YEHEZKIEL 16:57

wuṛṛu al᷊al᷊eonu taambe niasingkatanna? Orassa indi i'o nassul᷊ungken tou; i'o naola'a ipallal᷊agen taumatan Edom, taumatan Filistin wuṛṛu manga al᷊indongannu waine apan maddantinnu.