2 TAWARIKH 28:12 - WUKE SUSI WATTI'U AL᷊AL᷊USASSA12 Siri appatta matatimmadu Israel, eteudde i Azarya ana'i Yohanam, Berekhya ana'i Mesilemot, Yehizkia ana'i Salum, wuṛṛu Amasa ana'i Hadlai, nilumawangnga lai inolaannu tantara apan napul᷊e udde. Gade chapit la |
I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.
Ana see siri appata matatimmadde udde nabuatte wuṛṛu napaannu manga taumata niatawanna udde. I mangitou nattahia laubba wuassu saranapa apan buatte niaaṛṛo udde wuṛṛu nionggola su taumata apan mappandumma. I mangitou lai nattahia sapatu, anna wuṛṛu ua'e. Manga taumata niatawanna apan nal᷊essa niundamannu lanan zaitun. Ingana'a ete lome umamatta, niluranna su keledai, ana see anambon taumata niatawanna udde niapidde watukku Yerikho, soan manga punnu alu kurma, tadea'u wotongnge maapule watukku manga ampungngi mangitou su Yehuda. Wua'udde taumatan Israel napul᷊ete su Samaria.