2 TAWARIKH 28:1 - WUKE SUSI WATTI'U AL᷊AL᷊USASSA

¹ Ahas naola'a ratu sutempo i tou uukke 20 su tonnane, wuṛṛu i tou namarenta Yerusalem 16 su tonnane al᷊annune. I tou tawe nangaṛṛussa pallal᷊agu apan mapia wuassi Ratu Daud, iupungnge, ewe'e inolaanne tawe maal᷊uassa naungngu Mawu.

2 TAWARIKH 28:1 Referans Kwoze

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

MIKHA 1:1

Mikha darantane wuassu sambau soa addio'a arane Moresyet. Sutempo wanua Yehuda paparentannu ual᷊al᷊isansunna eteudde Ratu Yotam, Ahas wuṛṛu Hizkia. Mikha nenengkamma tanatan Mawu su ola'u Samaria wuṛṛu Yerusalem.

HOSEA 1:1

Eteindi tanata apan nionggollu Mawu si Hosea ana'i Beeri sutempo araratuannu Yehuda nallal᷊isansunna paparentanni Ratu Uzia, Yotam, Ahas, see Hizkia, wuṛṛu araratuannu Israel paparentanni Yerobeam ana'i Yoas.

2 TAWARIKH 17:3

Mawu nangal᷊amatta si Yosafat ana waugu i tou nangaṛṛussa wal᷊iuddu iamangnge; i tou tawe massubba si Baal,

2 TAWARIKH 27:2

Yotam maal᷊uassa naungngu Mawu, ere lai i Uzia iamangnge. Tumba'u i tou tawe manambunnu amania su Wal᷊en Mawu, ere buatte niola'u iamangnge. Salaiwe aroddi, tumana'u soa sidutu ma'ola'a rosa.

2 TAWARIKH 27:9

I tou nate wuṛṛu nilabbinga su Soan Daud, ana see i Ahas anangnge naola'a ratu nallol᷊ossa si tou.

2 TAWARIKH 29:2

Hizkia inolaanne maal᷊uassa naungngu Mawu ere lai i Ratu Daud iupungnge.

2 TAWARIKH 28:19

Ana waugu i Ahas ratun Yehuda nanantangngu Mawu wuṛṛu tawe mamarenta tumanangnge ringannu mapia, ne Mawu nandantan asasusa su Yehuda.