2 TAWARIKH 26:21 - WUKE SUSI WATTI'U AL᷊AL᷊USASSA

²¹ Na'oman sara i Ratu Uzia nate raddangnge udde tawe napia. I tou niapatana'a sassane su sambau wal᷊en wuṛṛu tate niwala lai sumutta su Wal᷊en Mawu. I tou tate nionggol᷊annu manara, ne i Yoyam anangnge namarenta tumanangnge uatepelle si tou.

2 TAWARIKH 26:21 Referans Kwoze

IMAMATTA 13:46

Su al᷊annune uatataṛṛangnga radda'a udde i tou ma'arantinna wuṛṛu ṛinone matana'a su liuddu paddasananna, marau wuassu manga taumata waine.

2 MARARATU 7:3

Su allo udde siri appata taumata pia raddange su pisi apan maata'utta ua'ianna su liuddu ngara pasallangannu su Samaria. I mangitou uawawisara sangkatou ringannu sangkatou, “Apa hunane i ite ua'ianna isindi ual᷊aṛaddo mate?

REENGANNA 12:15

Ana see i Miryam niapasabbangnga wuassu paddasananna al᷊annune pitu allo, wuṛṛu walahanna udde tawe nangingkatta wua'isudde ma'oman sara i Miryam iapawelengnga apia su paddasananna.

IMAMATTA 14:8

Wua'udde taumata udde ṛinone mabbansalla laungnge, mallungukka anambon utangnge, wuṛṛu mandeno. Ne nawaresite i tou, wuṛṛu wotongngete sumutta sulal᷊ummu paddasananna, arawe al᷊annune pitu allo lai i tou taambe wotongnge sumutta sulal᷊ummu rasanne sassane.

2 TAWARIKH 26:20

Azarya wuṛṛu manga imam waine naasilo si tou ringannu niṛṛumoro, ana see i tou niwata'a tadea'u manantangngu Wal᷊en Mawu. Ne i tou nasasaṛṛawutta sinumabbangnga ana waugu Mawu buatte nakkuumanne.

REENGANNA 5:4

Taumatan Israel tinumuṛṛutta parenta udde, wuṛṛu napasabbangngu anambon taumata apan ereudde wuassu paddasananna.

2 TAWARIKH 27:1

Yotam naola'a ratu su uukka 25 su tonnane, wuṛṛu i tou namarenta su Yerusalem 16 su tonnane al᷊annune. Inangngene eteudde i Yerusa ana'i Zadok.