2 TAWARIKH 26:10 - WUKE SUSI WATTI'U AL᷊AL᷊USASSA

¹⁰ I tou lai napararisikku wal᷊en matanggakka pia tanda'a watune su wageangngu wadda'a, wuṛṛu naal᷊i manambo paṛṛihi ana waugu winatangnga papadul᷊iananne tumaniten manambo, mawae ete su leta'a uasendekka aroddi lai su leta'a ratakke su samba'a waṛṛatta. Ana waugu i tou pia ṛingidda su pabbail᷊anna, ne i tou napamanaran manambo taumata niapawaillu anggore su panenteanna, wuṛṛu niapawailla lai su manga wageangngu leta'a apan masuwukka.

2 TAWARIKH 26:10 Referans Kwoze

YESAYA 29:17

Pia sasanato'a apan tingikke arendi, “Tate mal᷊annu lai mahurangnge sarun maola'a pabbail᷊anna, wuṛṛu leta'a pabbail᷊anna apia maola'a mahurangnga.”

2 MARARATU 19:23

I'o nandolokku daroloṛṛanna iapaawusu manungku ringannu anambon keretan pangalonu, i'o buatte naasa'a manga wowone atanggaṛṛanne su Libanon. I'o mammunga manungku i'o nanuwangnga manga alu cemara apan atanggaṛṛanne wuṛṛu aṛṛamahanne wuṛṛu namal᷊appidu manga mahurangnge ma'appala.

2 MARARATU 3:4

I Ratu Mesa wuassu Moab uatahuanna pamamadul᷊iananna domba. Maola'a sambau wose su taumatan Israel, suapan tonna i tou nangonggolu 100.000 ana'u domba esakka.

TAHIUL᷊E 3:10

I ite nanganu ahewallu wageangngu leta'i Ratu Og wuassu Basan: manga soane su wuidda, wuṛṛu wageangngu leta'u Gilead wuṛṛu Basan, masal᷊a watukku ra'i araune sara soa Salkha wuṛṛu Edrei.”

2 TAWARIKH 26:11

Uzia pia tantarane manambo apan uasaddiate mapapangalo. I mangitou pinaammul᷊annu manga tantara apan anambone iwaboṛṛettu ruan katou ruddutul᷊issu ratu, eteudde i Yeiel wuṛṛu i Maaseya su al᷊ungngu piaṛṛa'i Hananya, sangkatou suwallattu mamanaran araratuanna.

YOSUA 15:55

See lai mapul᷊o soa manansunna indi suadio'a ringannu manga ampungnga maranine; Maon, Karmel, Zif, Yuta, Yizreel, Yokdeam, Zanoah, Kain, Gibea wuṛṛu Timna.

1 SAMUEL 15:12

Tiṛṛabbine marua'allo maṛṛanggappa, i Samuel inaite naisasomban Saul. Piaddu namasingkatta si tou manungku i Saul inaitearoddi watukku soan Karmel mapararisikku watun pananaunganni tou poiaroddi, ana see masal᷊ate watukku Gilgal.

2 TAWARIKH 17:12

Etearoddi i Yosafat mallannu lembon uataṛṛino. Su ahewallu Yehuda namangunna manga tanda'a watu wuṛṛu manga soa pangangadoannu anna.

2 TAWARIKH 17:13

I tou nangombon anna apan manambo su soa udde. Su Yerusalem i tou napatana'u manga piaṛṛa'u tantara apan matohassa,

2 TAWARIKH 32:29

Waine wua'udde lai i tou namangunna manambo soa. Paa'ala apan nionggolu Ruata si tou mangke aroddi anambone.

MANNANASE 5:8

Ewe'e wiakku ratu lai uaantimma hessin pangitinganna.