2 TAWARIKH 24:21 - WUKE SUSI WATTI'U AL᷊AL᷊USASSA

^21-22 Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

2 TAWARIKH 24:21 Referans Kwoze

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

MATIUS 21:35

Arawe manga mamamanaram bailla udde nanametta manga ralol᷊oṛṛannu tatahuannu leta'a udde. Sangkatou nipuulla, waine nipate wuṛṛu waine lai niwaretannu watu.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

LUKAS 11:51

nanattakka wuassu pamamate si Habel na'oman sara pamamate si Zakharia, apan nariaddi su wallattu pangadoannu sasamba wuṛṛu Wal᷊e Mawu. Pangimante: Manga taumata orassa indi sarun iṛṛuumanna ana waugu sarangkanambone udde.

IBRANI 11:37

I mangitou tinuntungannu watu na'oman sara nate, piaddu niponggo'u laṛṛahari, wuṛṛu piaddu nipaten hal᷊ele. I mangitou lullallele ringannu laubba wuassu pisin domba ara'e pising kambinga; i mangitou asiangnga, pappateanna wuṛṛu sassansaranna.

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

YEREMIA 20:2

i tou namarenta tadea'u i ya'u puul᷊anna wuṛṛu imantungnga su Ngaran Benyamin, ngara al᷊iurosne su Wal᷊en Mawu.

YEREMIA 26:2

Mawu nabbisara si ya'u, “Roote darisikka su rallakku Wal᷊e-U wuṛṛu pabbisarate su tumana'u Yehuda apan uddanta mattaṛṛamawu isudde. Wal᷊oa'a si mangitou sarangkanambone apan Ta'u nirolokka si'o tadea'u iapasingkatta si mangitou. Arie hainganna sarang kaddio'a.

YEREMIA 26:21

Sutempo i Ratu Yoyakim susambau ringannu manga tembonannu tantarane wuṛṛu manga tembonannu araratuanna naaringikka manga wisaran Uria, ratu naddea'a lal᷊anne mamate si tou. Arawe i Uria naaringikka olangnge udde nabbal᷊i nata'utta ana see tinumal᷊angnga watukku Mesir.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

DARALO 94:21

I mangitou suadio'a lumawangnga taumata matul᷊idda, wuṛṛu nakkuumanna pateanna taumata apan tawe sal᷊ane.

AMOS 5:10

I yamiu maddantinnu taumata apan mannal᷊are atatul᷊idda wuṛṛu apan mabbisara ringannu atonna su pallaṛṛuunganna.