2 TAWARIKH 24:12 - WUKE SUSI WATTI'U AL᷊AL᷊USASSA

¹² Wua'udde napawe ratu wuṛṛu i Yoyada nanantillu roitta udde su manga taumata apan uapiaṛṛa'u taumata mangangapia Wal᷊en Mawu udde. Ana see mangataumata udde namaekka mamameselle, wasen kalu wuṛṛu wasen titta'a iapamanara manara udde.

2 TAWARIKH 24:12 Referans Kwoze

1 MARARATU 5:15

I Salomo napasabbangngu lai 80.000 suatoune mamamaangnga watu wuassu wowone wuṛṛu 70.000 suatoune iapapasanna manga watu udde.

2 SAMUEL 5:11

I Ratu Hiram wuassu wanua Tirus nandolokku manga tembonanne inai ringanni Daud, see alu cemara wuassu Libanon wuṛṛu manga wasen kalu see lai manga wasen batu inai mapararisikku wal᷊en araratuanna.

2 TAWARIKH 24:11

Allo-allo pato'a udde iaapiddu manga taumatan Lewi su mamanaran araratuanna ana see parikisanna. Napawe pato'a udde napenete mamamoṛṛettu araratuanna wuṛṛu tepellu Imam Wahewalla napasabbangu roitta ana see pato'a udde niapawelengnga apia su tampane paarorone. Etearoddi i mangitou mammanara miallo-miallo, wuṛṛu manambo atonna roitta niammulla.

2 TAWARIKH 24:13

Ne manga base udde nanattakke mangngapia Wal᷊en Mawu. I mangitou sarangkanambone mammanara aroddi apiane na'oman sara panginsueanne Wal᷊en udde naola'a matohassa wuṛṛu maṛṛansangnga ere paarorone.

2 TAWARIKH 24:27

Watti'a su ola'u al᷊aṛana'i Yoas, su ola'u manga pangginau apan lal᷊eo si tou, wuṛṛu su ola'u ereapa i tou nangapia Wal᷊en Mawu, sarangkanambone uawoṛṛetta sulal᷊ummu wuke Tatal᷊a'a Wuken Mararatu. Amazia, ana'i Yoas, naola'a ratu nallol᷊ossa iamangnge.

2 TAWARIKH 34:8

Su tonna mapul᷊o ual᷊u sutempo i Yosia uaparenta, napawe i tou buatte nanginsue pasasubbanna paal᷊uanna su Wal᷊en Mawu wuṛṛu su ahewallu wanua, i tou nandolokku siri 3 taumata iapaapia Wal᷊en Mawu Ruata. Siri tallu taumata eteudde i Safan ana'i Azalya, Maaseya gubernuren Yerusalem, wuṛṛu Yoah ana'i Yoahas, sangkatou mamanaran araratuanna apan atanggaṛṛanne.