2 TAWARIKH 23:7 - WUKE SUSI WATTI'U AL᷊AL᷊USASSA

⁷ Manga taumatan Lewi ṛinone uarisikka uapal᷊iwutta ratu ringannu uaagassa hal᷊ele, wuṛṛu ual᷊u'adda ratu suapan amatanne. Isai apan mappandumma sumutta su Wal᷊en Mawu, i tou ṛinone pateanna.”

2 TAWARIKH 23:7 Referans Kwoze

REENGANNA 3:38

Sulal᷊ummu paddasananna, i Musa wuṛṛu i Harun see al᷊aṛṛanangnge ṛinone mamile tampa su saruannu Rasannu Mawu, su samba'an da'i. I mangitou niapamanara mallaghun patataṛṛamawun balahannu Israel su Wabbo'a Na'ukkassa. Wal᷊ine wuassi mangitou, isai-sai apan ma'annamma ma'ola'a manara udde ṛinone iṛṛuumanna pateanna.

REENGANNA 3:10

Arawe i Harun wuṛṛu al᷊aṛṛanangnge ṛinone iapamanaranu maola'a imam; wal᷊ine wuassi mangitou, isai-sai apan ma'anamma mappaamattu manara udde ṛinone iṛṛuumanna pateanna.”

SASABANGNGA 21:14

Arawe amungkangngu sangkatou masa'u wuṛṛu ringannu nipattatudda mamate taumata waine, wua'udde i tou tumal᷊angnga su mezba-U tadea'u maasomba tul᷊unganna, taumata udde ṛinone al᷊apanna wuassu mezbah wuṛṛu iṛṛuumanna pateanna.

2 TAWARIKH 23:6

Tawe saran sangkatou apan wotongnge maasutta su Wal᷊en Mawu tumba'u manga imam wuṛṛu taumatan Lewi apan tantal᷊anna uariaga. I mangitou wotongnge sumutta ana waugu i mangitou buatte nipile hunane su Mawu. Manga taumata waine ṛinone uararingikka atorannu Mawu wuṛṛu uaṛṛaddo su liudde.

2 TAWARIKH 23:8

Parentan Yoyada udde niapaamattu taumatan Lewi wuṛṛu tumana'u Yehuda. Manga taumata apan buatte nammanara su allon Sabat tawe wotongnge mapul᷊e. Nariaddi manga tembonannu tantara wotongnge mandolokku manga taumata apan buatte nammanara ara'e lai wakkute nirumanta mammanara.