2 TAWARIKH 23:13 - WUKE SUSI WATTI'U AL᷊AL᷊USASSA

¹³ I tou naasilo ratu apan wakku udde uarisikka su ngara suttannu Wal᷊en Mawu, suapa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone mangngintul᷊i lullala'a lapiddu manniuppa trompeta, wuṛṛu manga mananal᷊angnga musikka su Wal᷊en Mawu nilumala'u ramea udde ringannu anambon musikki mangitou. Ringannu naungnga lal᷊eo i Atalya nanggesa'a laubba wuṛṛu nangintul᷊i, “Mandal᷊al᷊eo! Mandal᷊al᷊eo!”

2 TAWARIKH 23:13 Referans Kwoze

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

AMSAL 29:2

Amungkangngu taumata mapia mamarenta, lal᷊oṛṛon soa mal᷊uassa. Arawe amungkangngu taumata lal᷊eo uaparenta, tumana'u soa uatataṛṛangnga.

AMSAL 11:10

Soa maṛṛamaga amungkangngu taumata matul᷊idda maasomba wiakke; tumana'u soa lullala'a napawe taumata lal᷊eo nate.

DARALO 14:5

Taumata lal᷊eo sarun lembon matta'utta, ana waugu Ruata uasirungnga taumata apan matuṛṛutta si Tou.

1 TAWARIKH 15:27

Sutempo udde i Daud ual᷊uṛṛen juba wuassu mal᷊aṛṛenessa linen al᷊ussa, aroddi lai manga mananal᷊angnga musikka wuṛṛu i Kenanya piaṛṛa'i mangitou see lai manga taumatan Lewi apan uapasanna Wantallu Pa'aire udde. I Daud ual᷊uṛṛe lai laubba Efod.

1 TAWARIKH 12:40

Wuassu manga ṛuanganna su samba'an sawannakka apan marau eteudde ṛuanganni Isakhar, i Zebulon wuṛṛu i Naftali, taumata pasi ranta uaapiddu keledai, unta, bagal, wuṛṛu sapi apan napene lal᷊uranannu anna: taponna, wuan ara, kismis, anggore wuṛṛu lanan zaitun. I mangitou lai uaapiddu sapi wuṛṛu domba apan pateanna wuṛṛu inasanna. Sarangkanambone udde napal᷊iatta'a manungku aroddi lullala'a tumana'a su ahewallu Israel.

2 MARARATU 9:23

“Indi lal᷊obbossa, Ahazia!” aintul᷊in Yoram lapiddu nabbal᷊i'u keretane ana see tinumal᷊anga.

2 MARARATU 9:13

Manga ringanni Yehu nasasaṛawutta nalluatta juban mangitou wuṛṛu niampakka su tuadda su saruanni Yehu. Ana see i mangitou nattiuppa trompeta wuṛṛu uui, “i Yehu ratu!”

MAL᷊AṚṚUUNGNGA 7:8

Ana waugu udde i Gideon nandolokku taumatan Israel waine niapaapul᷊ea'a, tumba'u ingana'a siri tallu ṛasutta udde. Manga wal᷊unna wuṛṛu trompeta nianu wuassu manga taumata apan niapaapul᷊e udde. Taumata Midian uatana'a su wawal᷊anne, su al᷊ungngu pinaddasanannu taumatan Israel.

2 MARARATU 11:14

I tou naasilo ratu apan wakku udde uarisikka su ngara sasuttannu Wal᷊en Mawu sutampa i tou nitenega, papal᷊iwutannu manga tembonannu tantara wuṛṛu mananiuppa trompeta. Tumana'u soa sarangkanambone hinumio lulluassa lapiddu napatuntungikku trompeta. Ringannu sussinggawanga i Atalya nanggesa'a laungnge, wuṛṛu nangintul᷊i “Lal᷊obossa! Lal᷊obossa!”

2 TAWARIKH 23:12

Atalya naaringikka tumana'u soa mangngintul᷊i maddalo ratu. I tou mal᷊iha-l᷊ihakka inaite watukku Wal᷊en Mawu suapan taumata manambo uaṛimpulunna.

2 TAWARIKH 23:14

Yoyada tawe namalan Atalya pateanna maranin Wal᷊en Mawu, ne i tou nabbisara su manga tembonannu tantara, “Apira'e i tou su liudde sumabbi barisannu mandariaga, wuṛṛu mangke pate amungkangu pia taumata apan maddea'a lal᷊anne manal᷊amatta si tou.”

YEHEZKIEL 46:2

Su manga allo udde tembonanne ṛinone sumutta wuassu rallakku liudde umamattu panumbal᷊e wahewalla ana see dumarisikka su sandiṛṛannu diṛṛin sasutanna, tantal᷊anna manga imam mangngonggollu sasamba itattambunna wuṛṛu sasamban paddarame wuassu tembonanne. Su ngara pasallanganna udde i tou ṛinone umal᷊intudda wuṛṛu massubba Mawu, see inaite. Wua'udde maddatingngu ṛabbi, sasuttanna udde tawe wotongnge iṛṛuudda.