2 TAWARIKH 23:11 - WUKE SUSI WATTI'U AL᷊AL᷊USASSA

¹¹ Wua'udde i Yoyada nangapiddi Yoas sinumabbangnga, ana see niluṛeannu araposan araratuanna su puane, wuṛṛu nanantilla si tou wuke Titan Duata Etearoddi i Yoas nitenega naola'a ratu. Wua'udde Imam Yoyada wuṛṛu al᷊aṛanangnge nallal᷊innu lanan lal᷊aghu patatenega si Yoas, ana see anambon taumata nangintul᷊i, “Nabbiakke Ratu!”

2 TAWARIKH 23:11 Referans Kwoze

1 SAMUEL 10:24

Wua'udde i Samuel nabbisarate su tumana'u soa, “Eteindi taumata apan nipilen Mawu, taweddu panumandinganne suwallatti ite sarangkanambone.” Anambon walahanna udde hinumio, “Wiakke ratu!”

SASABANGNGA 25:16

Ana see sulal᷊ummu wantalla udde ṛinone iaddonu watu darua ringannu manga tittita apan sarun Ta'u ionggolla si'o.

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

SONDAPPA 19:12

Mata-Ne naal᷊ihidda ṛenggamu putungnga wuṛṛu su pua-Ne i Tou ual᷊uṛṛe manambo araposan araratuanna. Su wada-Nge uawoṛṛetta sambau aranna; wuṛṛu tumba'u i Tou sassane masingkatu aranna udde.

SONDAPPA 5:10

I'o suete nandiaddi si mangitou sambau walahannu manga imam sassane, tadea'u i mangitou mangimbe Ruatang kite, wuṛṛu mamarenta su wowon runia.”

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YESAYA 8:16

I yamiu, mallal᷊aṛṛenggengku ṛinone manahipunna wuṛṛu mappadul᷊i manga tanata apan nionggollu Ruata si ya'u.

DARALO 132:18

Araratuanne sarun sidutu su lal᷊umanna'a, arawe manga seenne sarun pansilianna.”

DARALO 89:39

Arawe orassa indi I'o nasa'u ratu, I'o nandamme wuṛṛu nanol᷊a'u taumata apan nipile-Nu.

DARALO 89:20

Sutempo dorone sulal᷊ummu sambau sondappa, I'o nabbisara su manga allang-Ngu apan matuṛṛutta, “I Ya'u buatte nantul᷊ungngu sangkatou atumannaṛṛane, sangkatou apan Ta'u nipile wuassu tumana'u soa apan Ta'u nitanggakka.

DARALO 78:5

Su walahannu Israel i Tou nangonggolu tita-Ne, wuṛṛu su papapulunni Yakub parenta-Ne. I Tou nandolokku iupungu al᷊amonan kite manantiro su manga ana'i mangitou,

DARALO 21:3

I'o buatte nangutungu apulun naungnge, wuṛṛu nangonggolu sarangkanambone apan niroronganne.

2 TAWARIKH 22:11

Ahazia pia sangkatou tuṛṛangnga wawine aranne i Yoseba apan naawingngu sangkatou imam aranne i Yoyada. Ringannu mal᷊anna-l᷊annabba Yoseba nanganu sangkatou ana'i Ahazia esakka aranne i Yoas wuassu wallatu al᷊aṛṛana'u ratu apan pateanni Atalya. Ana suadio'a ringannu mallal᷊u'adde niwuni sulal᷊ummu sambau wabbo'a su Wal᷊en Mawu. Etearoddi i Yoseba nandalukka ana'a udde na'oman sara tawe niapaten Atalya.

1 MARARATU 1:39

Wua'udde i Zadok nanganu tampan lanan zaitun apan buatte niapidde wuassu Rasannu Mawu, ana see i tou nanenegi Salomo ringannu nappaattu lana udde. Trompetta lai nitiuppe wuṛṛu awadaalla isudde naggio, “Wiakke Ratu Salomo!”

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

2 SAMUEL 16:16

Sutempo i Husai hawen Daud apan matuṛṛutta udde nassomban Absalom, i Husai nangintul᷊i, “Wiakke ratu! Wiakke ratu!”

2 SAMUEL 5:3

I Daud na'ola'a paaire ringannu manga piaṛṛa'u Israel udde, ana see i mangitou nanenegi Daud naola'a ratu Israel.

2 SAMUEL 1:10

Ne i ya'u nangundanin tou, wuṛṛu i ya'u namate, ana waugu i ya'u masingkatta manungku amungkangu i tou manawo ana waugu lomete tate mararisikka, i tou sarun mate lai. Ana see i ya'u nanganu araposan araratuanna su puane wuṛṛu hal᷊angnga wuassu ta'iakke, ana see niapi'u inawarendi ringanni Tuangku.”

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 25:21

Addoa'e watu darua sulal᷊ummu wantalla udde wuṛṛu paseiten lal᷊uube rosone.

2 TAWARIKH 23:10

Yoyada lai napariagan taumata ringannu uaaggassa hal᷊ele uapal᷊iwutta su saruannu Wal᷊en Mawu ipandiaga ratu.

2 TAWARIKH 23:12

Atalya naaringikka tumana'u soa mangngintul᷊i maddalo ratu. I tou mal᷊iha-l᷊ihakka inaite watukku Wal᷊en Mawu suapan taumata manambo uaṛimpulunna.

1 MARARATU 1:25

Allo indi lai i tou buatte nangonggollu sasamba manambo domba, sapi esakka wuṛṛu ana'u sapi apan mangkatawa. Anambon ana'i Tuangnga buatte niwal᷊oanne. Wuṛṛu lai manga tembonannu tantaran Tuangnga, wuṛṛu Imam Abyatar. Orassa indi i mangitou tantal᷊anna ma'ola'a andeangnga ringani tou wuṛṛu maggio, ‘Wiakke Ratu Adonia!’