2 TAWARIKH 21:7 - WUKE SUSI WATTI'U AL᷊AL᷊USASSA

⁷ arawe Mawu maddiri mamate ratu papapulunni Daud ana waugu I tou buatte na'ire manungku papapulunni Daud sarun uatatana'a uaparenta.

2 TAWARIKH 21:7 Referans Kwoze

1 MARARATU 11:36

Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

LUKAS 1:69

I Tou nangonggolla si ite mananal᷊amatta matohassa, papapulunni Daud, allang-Nge.

1 MARARATU 11:13

Arawe tawe ahewallu araratuanna udde Ta'u aṛṛoanna wuassi'o. Ana waugu allang-Ku Daud, wuṛṛu ana waugu Yerusalem apan buatte Ta'u niola'a soa-U, i Ya'u manantangngu sambau ṛuanganna hunan anangngu.”

DARALO 132:11

Mawu buatte nassalu si Daud; i Tou tawe massinaaddu paaire-Ne. Wisara-Ne, “Sangkatou anangngu sarun Ta'u itenega ratu iapaparenta mallol᷊ossa si'o.

DARALO 89:39

Arawe orassa indi I'o nasa'u ratu, I'o nandamme wuṛṛu nanol᷊a'u taumata apan nipile-Nu.

2 TAWARIKH 22:11

Ahazia pia sangkatou tuṛṛangnga wawine aranne i Yoseba apan naawingngu sangkatou imam aranne i Yoyada. Ringannu mal᷊anna-l᷊annabba Yoseba nanganu sangkatou ana'i Ahazia esakka aranne i Yoas wuassu wallatu al᷊aṛṛana'u ratu apan pateanni Atalya. Ana suadio'a ringannu mallal᷊u'adde niwuni sulal᷊ummu sambau wabbo'a su Wal᷊en Mawu. Etearoddi i Yoseba nandalukka ana'a udde na'oman sara tawe niapaten Atalya.

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

2 SAMUEL 21:17

Arawe i Abisai ana'i Zeruya nirumanta nangontola si Daud. I tou nando'appa wawalla udde ana see nipate. Wua'udde tantaran Daud sinumal᷊ande tadea'u i Daud tate lai tumantalongnga sulal᷊ummu pangalo. “I Tuangnga udde pangangantimannu Israel, arie ma'oman sara yami awul᷊ianni Tuangnga,” unni mangitou.

1 MARARATU 15:4

Arawe, ana waugu i Ratu Daud, Ne Mawu, Ruata apan sassubbanni Daud, buatte nangonggolla si Abiam sangkatou ana'a iapalol᷊ossa si tou mamarenta su Yerusalem wuṛṛu manohassa soa udde.

2 MARARATU 8:24

I tou nate wuṛṛu nilabbinga su labbingu manga ratu su Soan Daud. I Ahazia anangnge naola'e ratu nallol᷊ossa si tou.

2 TAWARIKH 23:3

I mangitou naammule su Wal᷊en Mawu, wuṛṛu na'ireten Yoas ana'u ratu udde. Yoyada nabbisara si mangitou, “Eteindi sangkatou esakka ana'i Ratu Ahazia! Orassa indi i tou ṛinone itenega maola'a ratu, ana waugu Mawu buatte naddiandi manungku papapulunni Ratu Daud sidutu sarun uaparenta.

2 TAWARIKH 6:16

I'o lai buatte na'ire su iamangku manungku amungkangu papapulunne atonna-tonna tuttuṛṛutta tita-Nu ere lai i tou, ne saran mal᷊annu-l᷊annu sangkatou wuassu papapulunne sarun mamarenta maola'a ratu su Israel. Orassa indi, oh Mawu Ruatan Israel, tipussa laiwe sarangkanambone apan buatte nipa'ire-Nu su iamangku Daud, allang-Ngu udde.