2 TAWARIKH 21:16 - WUKE SUSI WATTI'U AL᷊AL᷊USASSA

¹⁶ Sutempo udde pia taumatan Filistin wuṛṛu taumatan Arab apan uatana'a maranin pamamanuannu taumatan Sudan su leta'u apanne. Mawu nangal᷊oren naungngu manga taumata udde tadea'u iapapangalo si Yehoram.

2 TAWARIKH 21:16 Referans Kwoze

2 TAWARIKH 17:11

Wuassu taumatan Filistin i tou nanengkamma manambo sal᷊a'a wuṛṛu manga aonggola waine, wuṛṛu wuassu taumatan Arab i tou nanengkamma 7.700 domba wuṛṛu 7.700 ambinga.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

2 TAWARIKH 22:1

Sulal᷊ummu sambau pangalon ammul᷊annu taumatan Arab, anambon ana'i Yehoram esakka ringanna nipate, nallambe i Ahazia iapa atuarianne. Ana waugu udde tumana'u Yerusalem nanenegi Ahazia naola'a ratu pinallol᷊ossa iamangnge.

1 MARARATU 11:23

Ruata na'ola'a lai si Rezon, ana'i Elyada, nasseetti Salomo. I Rezon uddewe allangnga apan tinumal᷊angngu watanganne wuassu tuangnge eteudde i Ratu Hadadezer wuassu Zoba.

1 MARARATU 11:14

Ne Mawu na'ola'a si Hadad, sangkatou papapulunni ratun Edom, nasseetti Ratu Salomo.

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

EZRA 1:5

Wua'udde manga tembonannu bawosoanna wuassu ṛuanganni Yehuda wuṛṛu Benyamin, manga iman wuṛṛu manga taumatan Lewi, wuṛṛu suapan taumata apan naungnge nial᷊oren Duata, nandiahite inai mapul᷊e watukku Yerusalem wuṛṛu mapararisikku apia Wal᷊en Mawu.

EZRA 1:1

Su tonna paarorone sutempo i Kores uaparenta, ratun Persia, Mawu napaamattu apa apan buatte niwisara-Ne si Nabi Yeremia. Mawu nangal᷊oren naungngi Kores tadea'u mapasabbangngu sambau parenta apan iwasa su ahewallu araratuanne. Tingikke arendi:

2 TAWARIKH 26:7

Ruata nantul᷊ungngi tou namaddo taumatan Filistin, wuṛṛu taumatan Arab apan uatana'a su Gur-Baal see lai taumatan Meunim.

1 MARARATU 11:11

Mawu nabbisara, “Ana waugu ringannu ṛingiranna masemakka i'o nilumawangnga pa'airenu si Ya'u wuṛṛu tawe tinumuṛṛutta manga parenta-U, ne i Ya'u sarun mangaṛṛo araratuanna udde wuassi'o, wuṛṛu ionggolla su sangkatou mammamanaran araratuannu.

2 SAMUEL 24:1

Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.

YOEL 3:5

Wul᷊awanna wuṛṛu sal᷊a'a-U buatte niaṛṛon kamiu, wuṛṛu darotong-Ku apan maarega buatte niṛṛuwon kamiu watukku kuilli yamiu.

AMOS 1:6

Mawu nabbisara, “Tumana'u Gaza masokkate ma'ola'a rosa, ana waugu udde i Ya'u sarunmakkuumanni mangitou. I mangitou buatte naṛṛuwo sambau walahanna sarangkanambone, ana see niwal᷊u'a maola'a allangnga su taumatan Edom.