2 TAWARIKH 21:13 - WUKE SUSI WATTI'U AL᷊AL᷊USASSA

¹³ Ewe'e lai i Tuangnga mabbiakka naal᷊ihidda manga ratun Israel, wuṛṛu naaola'a tumana'u Yehuda wuṛṛu Yerusalem tate maddaringikka Mawu. Inolaanni Tuangnga naal᷊ihidda i Ratu Ahab wuṛṛu manggahantine waine. Ewe'e lai i Tuangnga namate manga tuṛṛangngi Tuangnga, wutte'e i mangitou mappianne wuassi Tuangnga.

2 TAWARIKH 21:13 Referans Kwoze

2 TAWARIKH 21:4

Sutempo i Yehoram naapendamma araratuanne matohasse, i tou nandolokku taumata niapapate anambon manga tuṛṛangnge, wuṛṛu manga pira lai mamanaran araratuanna apan atanggaṛṛanne.

2 TAWARIKH 21:11

Ewe'e i tou napararisikku manga tampa passubbanna paal᷊uanna su panenteannu Yehuda, wuṛṛu naarosa lai tumana'u Yehuda wuṛṛu Yerusalem su lantakku hatin Mawu.

2 TAWARIKH 21:6

I tou nangaṛṛussa ola'u pabbiaṛṛanni Ratu Ahab wuṛṛu manga ratun Israel waine, ana waugu i tou naawingngu sangkatou ana'i Ahab. I tou narosate su lantakku hatin Mawu,

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.

HABAKUK 2:12

Niawontohante i'o! I'o napararisikku soa ringannu pinangiananne al᷊al᷊eo wuṛṛu namangunna ringannu pamamate.

YESAYA 26:21

Mawu sarun sumossokka wuassu atatanaan-Ne su surga makkuumannu tumana'u runia ana waugu rosan mangitou. Pamamate apan a'olaanni mangitou apan iwabbuni sarun matualaga. Leta'a tate lai manaappa manga taumata apan nate nipate.

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

1 MARARATU 16:25

I Omri na'ola'a manga rosa apan maggewal᷊anne wuassu apan buatte niola'u manga ratu apan namarenta dorone wuassi tou.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

SASABANGNGA 34:15

Imbaṛṛangnga ma'ola'a pa'aire ringannu balahannu wanua udde, ana waugu su tempo i mangitou massubba wuṛṛu mangngonggolu sasamba su manga Mawu mangitou, i mangitou sarun mangahe si yamiu, wuṛṛu i yamiu sarun tumantalongnga.

2 TAWARIKH 21:14

Ṛuumanna apan mawakkatta wuassu Mawu sarun maṛṛia'a su tumana'u soa, al᷊aṛṛana'a ana see lai manga awingngi Tuangnga, wuṛṛu mamate sarangkanambone apan tatahuananni Tuangnga.

2 TAWARIKH 24:18

Ne tumanangnge tate lai mattaṛṛamawu su Wal᷊en Mawu, Ruatan al᷊amonan mangitou, arawe massubbate monganna wuṛṛu paal᷊uannu Asyera. Rosan mangitou udde naasa'u Mawu su tumana'u Yehuda wuṛṛu Yerusalem.