2 TAWARIKH 21:10 - WUKE SUSI WATTI'U AL᷊AL᷊USASSA

¹⁰ Nanattakka orassa udde Edom tate uasuṛṛubbawa su Yehuda. Sutempo udde soa Libna lai namangalo. Sarangkanambone udde nariaddi ana waugu Yehoram buatte nanantangngu Mawu, Ruata apan sassubbannu al᷊amonane.

2 TAWARIKH 21:10 Referans Kwoze

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 13:10

Yami sidutu massubba Mawu Ruatan kami wuṛṛu tawe manantangngi Tou. Manga imam si yami sidutu wuassu papapulunni Harun, wuṛṛu manga taumatan Lewi sidutu uasumbala si mangitou.

2 MARARATU 19:8

Perwiran Asyur naaringikka watti'a manungku ratune nanantangken Lakhis wuṛṛu tantal᷊anna uapapangalo mando'appa soan Libna, tawe marau wua isudde. Ne perwira tantara udde inaite naisasomban ratune udde.

1 MARARATU 11:33

I Ya'u sarun ma'ola'a olangnge udde ana waugu i Salomo buatte nanantang-Ku wuṛṛu massubba manga monganna, eteudde; Asytoret, mongannu walahannu Sidon; i Kamos, mongannu walahannu Moab; wuṛṛu i Milkom, mongannu walahannu Amon. I Salomo tate tumuṛṛutta apulu-U. I tou tawe ere iamangnge Daud apan matuṛṛutta si Ya'u wuṛṛu mappaamattu manga parenta-U.

1 MARARATU 11:31

Wua'udde i tou nabbisarate si Yerobeam, “Anute mapul᷊on pototta si'o, ana waugu Mawu, Ruatan Israel, nabbisara arendi si'o, ‘I Ya'u sarun mangaṛṛo araratuanna indi wuassi Salomo, wuṛṛu mangonggollu mapul᷊o ṛuanganna si'o.

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

2 TAWARIKH 21:8

Sulal᷊ummu parentan Yehoram, Edom namangalo wuṛṛu na'ola'a araratuanna sassane.

2 TAWARIKH 21:9

Ana waugu udde i Yehoram wuṛṛu manga tembonannu tantarane sinumabbangke ringannu manga keretan pangalone ana see namangalote Edom, arawe ṛabbine i mangitou naal᷊assangnga wuassu pangalo seetta wuṛṛu tinumal᷊angngu watanganne.

2 TAWARIKH 21:11

Ewe'e i tou napararisikku manga tampa passubbanna paal᷊uanna su panenteannu Yehuda, wuṛṛu naarosa lai tumana'u Yehuda wuṛṛu Yerusalem su lantakku hatin Mawu.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

YOSUA 10:29

Wua'udde, i Yosua ringannu tantarane nadalate niumamatta wuassu Makeda watukku Libna.

MAL᷊AṚṚUUNGNGA 10:13

Salaiwe aroddi, yamiu ewe'e ta'e lai tuttal᷊iudda si Ya'u, ana see inai massubba manga monganna. Orassa indi Ya'u maddirite mamallossi yamiu apia.

YESAYA 1:28

Arawe manga taumata marosa apan lullawangnga Mawu sarun patean-Ne, wuṛṛu sarangkanambone apan nanantangngu Mawu sarun iapawinasa.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”