2 TAWARIKH 20:7 - WUKE SUSI WATTI'U AL᷊AL᷊USASSA

⁷ Tumba'u I'o Ruatan kami. Sutempo al᷊aṛanang-Ngu, walahannu Israel, nirumanta su wanua indi, I'o nallimbuakka manga taumata apan sutempo udde uatana'a isindi. Ana see I'o nangonggolu wanua indi su papapulunni Abraham, hawe-Nu, maola'a leta'a pussa'an mangitou saran mal᷊annu-l᷊annu.

2 TAWARIKH 20:7 Referans Kwoze

YAKOBUS 2:23

Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

DARALO 44:2

Oh Ruata, i yami naaringikke sassane wa'e apan niwatti'u al᷊amonan kami su ola'u manara wahewalla apan buatte niolang-Ngu sutempo dorone.

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

NEHEMIA 9:8

Niasangkal᷊an-Nu i tou satia Si'o wuṛṛu matuṛṛutta. Ana see niolang-Ngu ringanni tou paaire apan matohassa. Leta'u Kanaan, Het wuṛṛu Amori, leta'u Feris, Yebus wuṛṛu Girgasi, sarangkanambone udde I'o mangonggolla si tou; maola'a tampa tatanaannu anambon papapulunne. Wua'udde I'o nanipussu, paaire udde si tou, ana waugu I'o matul᷊idda wuṛṛu satia.

YOSUA 24:3

Ana see i Ya'u mangal᷊appa si Abraham, iamangngu al᷊amonanu udde, wuassu wanua su samba'an Efrat udde, wuṛṛu nandolokki tou namal᷊intaddu ahewallu wanua Kanaan. I Ya'u nangonggolu manambo papapulunna si tou. Paarorone i Ishak Ta'u nionggola si tou,

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

SASABANGNGA 33:2

I Ya'u sarun mandolokku sangkatou mala'ekatta iapapiaṛṛa'i yamiu. I Ya'u sarun mallimbuakka walahannu Kanaan, Amori, Het, Feris, Hewi wuṛṛu Yebus.

YOHANES 11:11

Ete aroddi unnu Mawu Yesus. Wua'udde i Tou nabbisara apia, “Haweng kite i Lazarus mattiille, arawe I Ya'u sarun inai mamu'o si tou.”

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOSUA 24:13

Leta'a apan Ta'u nionggola si yamiu, nisengkammi yamiu ringannu tawe sahadde. Wuṛṛu manga soa apan Ta'u nionggola si yamiu, wal᷊ine i yamiu napararisikka. Arawe orassa indi, ete i yamiu apan uatana'a poiaroddi, wuṛṛu ete i yamiu lai mallal᷊umanna'u wuan anggore wuṛṛu wuan Zaitun, sumbal᷊i wal᷊ine i yamiu nassuanna.’ ”

2 TAWARIKH 20:8

I mangitou natana'e isindi wuṛṛu napararisikku sambau wal᷊en tampa pasasubbanna Si'o. I mangitou masingkatta

DARALO 80:8

Oh Ruata Apan Lembontaṛṛino, uwusewe i yami; ellehe i yami ringannu naungnga mal᷊uassa, tadea'u i yami masal᷊amatta.

TAHIUL᷊E 4:38

Manga walahanna apan magewal᷊anna wuṛṛu mattohassanna nilimbuaṛṛanni Tou wuassu saruannu, tadea'u ipanguntuddi yamiu watukku wanuan mangitou apan nionggola si yamiu, wanua apan orassa indi naola'a pussaanuu.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

YOSUA 23:9

Manga walahanna apan bahewalla wuṛṛu matohassa buatte nilimbuaṛannu Mawu ana waugu i yamiu, tawe saran sangkatou wuassi mangitou apan botongnge maaroappa si yamiu.

DARALO 44:3

I'o sassane nallimbuakka manga walahanna tadea'u al᷊aṛṛanang-Ngu mamanua su wanuan mangitou. Manga walahanna waine nisilaka-Nu, arawe al᷊aṛanang-Ngu niwalanu mabbalaga.