2 TAWARIKH 2:6 - WUKE SUSI WATTI'U AL᷊AL᷊USASSA

⁶ Arawe suṛṛinone, tawe saran sangkatou apan wotongnge mapararisikku Wal᷊en Mawu, ana waugu ahewallu winalanganna tawe tumaniten bahewalla maola'a tatanaan-Ne. Nariaddi, Wal᷊en Mawu apan ta'u iapararisikka udde asinungka tumba'u tampa panambunannu amania su Mawu!

2 TAWARIKH 2:6 Referans Kwoze

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

2 TAWARIKH 6:18

Arawe, oh Ruata, atonnawe I'o mal᷊uassa matana'a su runia indi suwallattu taumata? Ahewallu langitta lai tawe matiudda Si'o, nangillembote wal᷊en patataṛṛamawuanna apan ta'u niola'a indi!

1 MARARATU 8:27

Arawe oh Ruata, mappuluwe I'o matana'a su runia indi? Langitta sarangkanambone lai tawe tumaniten mal᷊alangnga Si'o, nangillembote wal᷊en patataṛṛamawuanna apan ta'u niola'a indi!

2 TAWARIKH 1:10

Ana waugu udde onggol᷊aawe si ya'u apande wuṛṛu asingkatta apan ta'u pandumanna ipamiaṛṛa'i mangitou. Amungkangu tawe aroddi, ereapa i ya'u wotongnge mamarenta al᷊aṛṛanang-Ngu apan manambo indi?”

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

2 SAMUEL 7:18

Ana see i Ratu Daud sinumutate sulal᷊ummu Rasannu Mawu. I tou niuma'ianna wuṛṛu niumal᷊iomanna, “Oh Mawu Apan Atanggaṛṛanne, i ya'u wuṛṛu amonangku tawe sulal᷊anne manengkamma al᷊awo'u apapia apan niapasilo-Nu si ya'u su al᷊annune indi.

SASABANGNGA 3:11

Arawe i Musa nabbisara Ruata, “Isai ya'u indi, na'oman sara wotongnge sumaruanna ratu wuṛṛu mangapiddu taumatan Israel sumabangnga wuassu Mesir?”

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

TAHIUL᷊E 12:26

Al᷊awo'u aonggola wuṛṛu sasamba apan buatte pina'iren kamiu su Mawu, ṛinone iapiddi yamiu watukku tampa apan buatte nipilen Mawu.

TAHIUL᷊E 12:14

arawe tumba'u su tampa apan nipilen Mawu suwallatu sambau tampa wageangngu walahannu. Tumba'u isudde i yamiu ṛinone mangonggolu sasamba itattambunna wuṛṛu ma'ola'a manara wal᷊ine apan ta'u niparenta si yamiu.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

SASABANGNGA 31:5

tadea'u ipangasan batu permata apan ipamaangnga; ipanguitta alu wuṛṛu al᷊awou'u manaran panguitanna waine lai.

1 MARARATU 7:13

Su soan Tirus pia sangkatou esakka aranne i Huram. I tou atonna tonna pande wuṛṛu manambo asingkanne sulal᷊ummu ma'ola'a anambon saranapa wuassu witu'a. Mangasuanga iamangnge uddewe sangkatou taumatan Tirus wuṛṛu lai pande sulal᷊ummu manga saranapa wuassu witu'a. Inangnge wuassu ṛuanganni Naftali. I Ratu Salomo buatte nandolokku taumata inai mangalappa si Huram tadea'u rumanta wuṛṛu mamiaṛṛa'u anambon manara pa'olaanna witu'a. Ne i Huram nirumantate wuṛṛu nammanara apa apan raddoronganni Salomo.

1 TAWARIKH 22:15

I'o uatahuanna manambo mammamanara. Piaddu wotongnge mammanara su paal᷊ianna watu, pia wasen kalu, wasen batu wuṛṛu manambo taumata apan pande mammanara