2 TAWARIKH 19:7 - WUKE SUSI WATTI'U AL᷊AL᷊USASSA

⁷ I yamiu ṛinone mata'uttu Mawu, wuṛṛu mammanara matammudda, ana waugu Mawu Ruatan kite maddantinnu taumata apan inolaanne mallinga, apan inolaanne mangngempe ara'e mannengkamma aongolla.”

2 TAWARIKH 19:7 Referans Kwoze

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

ROMA 2:11

Ana waugu Ruata ma'ellega anambon taumata udde nassul᷊ungnga.

ROMA 9:14

Apa panginsueannu ṛingiṛṛanni ite orassa indi? Manungku Ruata udde tawe matul᷊ida? Atonna Ruata udde matul᷊ida!

KOLOSE 3:25

Wuṛṛu isai-sai apan na'ola'a pasasal᷊a, sarun mamasanna manga pasasal᷊ane udde; ana waugu Mawu tawe mamile hati.

WATTI'U MANGA RASUL 10:34

See i Petrus nabbisara, “Orassa indi ya'u atonna-tonna naapendampe manungku inolaannu Ruata su anambon taumata udde nassul᷊ungnga.

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

SASABANGNGA 23:8

Imbaṛṛangnga manengkamma roitta aonggolla, ana waugu roitta aonggolla udde ma'awuta su ola'u inolaanna mapia wuṛṛu ma'arugi manga taumata apan tawe sal᷊ane.

EFESUS 6:9

Manga tuṛṛangnga apan naola'a mawu! Ṛinone pallal᷊agun kamiu aroddi lai su saruannu manga allangngu. Ariete mappaattu wawansaga. Paanaunge manungku i yamiu wuṛṛu manga allangngu udde, uasul᷊ungnga pia sangkatou mawu, eteudde Mawu apan su surga. I Tou tawe mamile hati.

GALATIA 2:6

Manimbe aroddi, tawe inolaanna wakku apan radeaannu manga taumata apan aellehanna ere piaṛṛangnge wuassia'u – mawala si ya'u tawe paṛṛalanne amungkangngu i mangitou piaṛṛangnge ara'e tawe, ana waugu Ruata tawe mamile hati.

MATIUS 22:16

Ne i mangitou nandolokku mallal᷊aṛṛenggenni mangitou ringannu Mawu Yesus su sambau ringannu manga pira taumata wuassu samba'an Herodes. Manga taumata udde nabbisara Mawu Yesus, “Iamangnga Huru, i yami masingkatta Iamangnga tawe mangawusu. Iamangnga mangngaṛṛa'a masema-semakka su ola'u apulun Ruata su taumata, tawe maddaringikka adapatti sai-sai. Ana waugu Iamangnga tawe mamile taumata.

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

YESAYA 33:15

I yamiu wotongnge maataṛṛangnga amungkangngu i yamiu mabbisara wuṛṛu inolaannu naṛṛino. Arie paddea'a auntunganna ringannu mannansara taumata asiangnga, wuṛṛu arie panengkamma roitta sasogokka. Arie pallaṛṛenggenna taumata apan manggol᷊agu pamamate wuṛṛu al᷊al᷊eo waine.

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

2 SAMUEL 23:3

Ruatan Yakub buatte nabbisara; ete si ya'u mallal᷊u'addu Israel nabbisara: “Ratu apan uaparenta tumanangnge ringannu atatul᷊idda apan uapiaṛṛa'a ringannu tatuṛṛutta su Mawu,

AYUB 8:3

Ruata mangke tawe mamengkollu atatul᷊idda; mangke taweddu mariaddi manahekku ṛinone.

1 SAMUEL 11:7

Ringannu lembon nasa'u nanganu darua sapi ana see niṛṛata wuṛṛu nitattaddi tou nabbal᷊i manambo abbuwune. Wua'udde manga abbuwune udde niwuatta su ahewallu leta'u Israel ringannu parenta arendi, “Isai maddiri inai mapapangalo tumantalongnga si Saul wuṛṛu si Samuel, manga sapine sarun abbuwuanna arendi lai!” Walahannu Israel nata'utta su sarangakanambone apan a'olaannu Mawu, ne anambon taumata, tawe lallingnge, uasaddiate inai mapapangalo suadio'a.

AYUB 13:10

Amungkangngu i yamiu manamba'a, salaiwe ringannu mal᷊anna-l᷊annabba, i yamiu sarun iṛṛuumannu Ruata ringannu araṛṛagissa.

DARALO 82:2

“Imbaṛṛangnga makkuungngu taumata ringannu mangngempe, wuṛṛu arie panamba'a taumata lal᷊eo.