2 TAWARIKH 19:6 - WUKE SUSI WATTI'U AL᷊AL᷊USASSA

⁶ wuṛṛu nangonggolu parenta indi si mangitou, “Pammanarate ringannu asingkatta, ana waugu i yamiu makkuungnga wal᷊ine wuassu arannu taumata, ewe'e wuassu arannu Mawu. I tou mallu'adda si yamiu sutempo i yamiu makkawessu hatto.

2 TAWARIKH 19:6 Referans Kwoze

TAHIUL᷊E 1:17

Makkawessa arie mangempen samba'a; suapan taumata ṛinone parikisanni yamiu ringannu olangnge apan uasul᷊ungnga, ringannu tawe mamile taumata udde. Arie pa'ata'utta su saruanni sai-sai, ana waugu laṛṛawessa apan niola'i yamiu udde darantane wuassu Ruata. Amungkangngu sambau hatto tumaniten masahadda si'o, apira'e ringang-Ku, tadea'u i ya'u wotongnge makkawessa.

IMAMATTA 19:15

I yamiu ṛinone matul᷊idda napawe makkuungnga; arie mangempen taumata asiangnga wuṛṛu mata'uttu taumata ala.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

MANNANASE 5:8

Ewe'e wiakku ratu lai uaantimma hessin pangitinganna.

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

YOSUA 22:5

Wuṛṛu paariagai tadea'u i yamiu sidutu tuttuṛṛutta tita apan nirolokki Musa si yamiu, eteudde: Pandangngute Mawu Ruatanu, tantalongke apulu-Ne, tantuṛṛutte manga parenta-Ne, pa'ala'e apulu-Ne, ringannu ahewallu naungngu wuṛṛu ahewallu.”

WATTI'U MANGA RASUL 22:26

Naaringikka udde, perwinan tantara udde inaite ringannu tembonannu wuntuanna wuṛṛu nabbisara, “Apa sarun olaanni ite Iamangnga? Taumata indi tumana'u araratuannu Roma!”

WATTI'U MANGA RASUL 5:35

Wua'udde i tou nabbisara su Mallaṛṛuungngu Agama udde, “Manga tuṛṛangnga manga taumatan Israel! Ṛingiṛṛa'a paapia-pia su ola'u apa apan sarun olaannu manga tuṛṛangnga su saruannu manga taumata indi.

LUKAS 21:8

Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.