2 TAWARIKH 18:16 - WUKE SUSI WATTI'U AL᷊AL᷊USASSA

¹⁶ Mikha nabbisara, “I ya'u naasilo tantaran Israel nassal᷊iawukka su manga wowone. I mangitou naal᷊ihidda tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'ewe i mangitou mapul᷊e ringannu sal᷊amatta.’ ”

2 TAWARIKH 18:16 Referans Kwoze

MATIUS 9:36

Su tempo Mawu Yesus naasilo taumata nambo udde, i Tou inumakkanni mangitou, ana waugu i mangitou tinumiangnga wuṛṛu lome, ere domba apan tawe mallal᷊u'adde.

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

YEHEZKIEL 34:8

Sulal᷊ummu arang-Ku, Ruata apan biakka, panutukke! Manga domba-U buatte tinamboanna wuṛṛu niinassu winatangnga mal᷊aṛṛaga, ana taweddu mallu'adda si mangitou. I yamiu manga mallal᷊u'a-U tawe mandiaga manga domba udde. I yamiu tumba'u maṛṛingiddu watangannu sassane, wal᷊ine hausannu manga dombanu.

1 MARARATU 22:17

I Mikha nabbal᷊issa, “I ya'u naasilo tantaran Israel nassal᷊iawukka su manga wowone. I mangitou naal᷊ihidda domba tawe mallal᷊u'adde, wuṛṛu Mawu nabbisara su ola'i mangitou, ‘Manga taumata indi tawe piaṛṛangnge. Wala'e i mangitou mapul᷊e ringannu sal᷊amatta.’ ”

REENGANNA 27:17

sangkatou apan botongnge maola'a atumannaṛṛane su tempo i mangitou mapapangalo. Arie pabbala'a al᷊aṛṛanang-Ngu indi naal᷊ihidda ammul᷊annu domba apan tawe mallal᷊u'adde.”

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ZAKARIA 10:2

Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

2 MARARATU 10:3

pamilete apianne wuassu ana'a wuṛṛu pulunni Ahab udde wuṛṛu angkatte maola'a ratu, ana see paaṛṛimadde mammamanara ana waugu i tou.”

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

2 SAMUEL 2:7

Paatammudda naungngu, wuṛṛu pattannote ere atumannaṛṛannu soa! I Saul, ratunu atonna natete, arawe i ya'u buatte nitenegi mangitou naola'a ratun mangitou.”

2 TAWARIKH 18:15

Ahab sinumimbakka, “Amungkangu i'o mabbisara si ya'u ringannu arannu Mawu, pasingkata'e ringannu atonna. Paapirate i'o ṛinone ta'u iapanaungnga su ola'u hatto udde?”

2 TAWARIKH 18:17

Ana see i Ahab nabbisara si Yosafat, “Wal᷊inewe atonna wisara'u? Taambe saran paassa i tou namasingkatta si ya'u ringannu mapia! Sidutu tumba'u mammasingkattu al᷊eoanne!”