2 TAWARIKH 15:2 - WUKE SUSI WATTI'U AL᷊AL᷊USASSA

² na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 15:2 Referans Kwoze

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

2 TAWARIKH 24:20

Ana see Ghaṛṛahon Duata nangintaṛṛo si Zakharia ana'i Imam Yoyada. I Zakharia dirumarisikka su saruannu tumana'u soa, ana see nabbisara, “Mawu Ruata nabbisara, ‘Anio i yamiu maddirite tumuṛṛutta manga parenta-U wuṛṛu manilakate watanganni yamiu sassane. I yamiu tate maddaringikka si ya'u, ne i Ya'u lai tate maddaringikka darorongngi yamiu!’ ”

2 TAWARIKH 15:4

Arawe sutempo i mangitou sulal᷊ummu asasusa, i mangitou ma'iontolla su Mawu Ruatan Israel. I mangitou naddorongnga tatantiro-Ne ne i Tou nangonggola.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

IBRANI 10:38

Wuṛṛu pabbawala'u apan naṛṛino sarun mangngimanna wuṛṛu mabbiakka; arawe amungkangu pia wuassu wallatti mangitou apan sussoṛṛota ne i Ya'u tawe mal᷊uassa si tou.”

2 TAWARIKH 15:15

Tumana'u Yehuda sarangkanambone lulluassa ana waugu i mangitou buatte na'ola'a paaire udde ringannu ahewallu naungnge. I mangitou mal᷊uassa maddalo Mawu, wuṛṛu Mawu lai mal᷊uassa manengkamma si mangitou. I tou nangonggolu atatammudda su leta'i mangitou.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

2 TAWARIKH 20:15

ne i tou nabbisara, “Tuangnga Apan Mawantuga see lai manga tuṛṛangnga sarangkanambone. Mawu nabbisara manungku i yamiu tawe wotongnge mallome ara'e mata'utta sumaruanna tantara apan manambo udde. Ana waugu apan mapapangalo wal᷊inewe i yamiu, ewe'e Ruata.

TAHIUL᷊E 20:1

“Amungkangngu i yamiu inai mapapangalo mandoappa manga seennu, imbaṛṛangnga mata'utta maasilo keretan pangalo wuṛṛu awal᷊on mangitou apan manambo see lai tantaran mangitou apan reenganne nilumebbe wuassu reenganni yamiu. Mawu Ruatanu apan namallossi yamiu wuassu Mesir sarun mantul᷊ungngi yamiu.

2 TAWARIKH 32:8

I tou uatahuanna atatohassu taumata, arawe i ite uatahuanna Mawu Ruatan kite iapasumbala i ite mapapangalo.” Naaringikka manga wisaran ratun mangitou, tumana'u soa nabbal᷊ite waṛṛani.

2 MARARATU 21:14

Tumanange apan ta'e natantanga sarun Ta'u iwala maola'a inassu seenne, apan sarun malluatta laubba wuṛṛu mangaṛṛo wanuan mangitou.

MATIUS 13:9

Napawe suete nabbatti'u sasumandingnga udde, Mawu Yesus nabbisara, “Amungkangngu pia tal᷊inga paddaringikka!”

2 TAWARIKH 13:4

Ammul᷊annu tantara darua udde uasasaruante su panenteannu Efraim. Abia sinuma'a watukku Wowon Zemaraim ana see nangintul᷊i si Yerobeam wuṛṛu taumatan Israel, “Paddaringikka!

SONDAPPA 2:11

Isai-sai apan botongnge maaringikka, ṛinone manutukka apa apan iapaasingkatu Ghaṛṛaho Ruata su manga jamaatta. I mangitou apan naauntunga, saran paassa tawe matataṛṛanga papate aruane.”

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

SONDAPPA 3:22

Isai-sai wotongnge maaringikka, ṛinone manutukka apa apan niapaasingkatu Ghaṛṛahon Ruata su manga jamaatta!”

SONDAPPA 3:13

Isai-sai wotongnge maaringikka, ṛinone manutukka apa apan niapa'asingkatu Ghaṛṛahon Ruata su manga jamaatta!”

SONDAPPA 3:6

Isai-sai wotongnge maaringikka, ṛinone manutukka apa apan niapaasingkatu Ghaṛṛahon Ruata su manga jamaatta!”

SONDAPPA 2:29

Isai-sai wotongnge maaringikka ṛinone manutukka apa apan iwabbisara Ghaṛṛahon Ruata su manga jamaatta!”

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

MAL᷊AṚṚUUNGNGA 9:7

Napawe i Yotam naaringikka ola'u hatto udde, i tou inaite dirumarisikka su puiddu Wowon Gerizim, ana see inumui su manga taumata udde, “Paddaringikka si ya'u, ei manga taumatan Sikhem, tadea'u Mawu Ruata lai maddaringikka si yamiu!

2 TAWARIKH 33:12

Sulal᷊ummu asasusane udde i tou sinumallungngu watanganne su saruannu Mawu Ruatane, wuṛṛu niumal᷊iomanna maddorongnga aontolu Mawu.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

YOSUA 22:31

Ana see unni Pinehas, ana'i Imam Eleazar, su manga taumata ṛuanganni Ruben, i Gad wuṛṛu Manasye su samba'an Da'i, “Orassa indi yami masingkatta manungku Mawu uarundinganna si ite, ana waugu i yamiu tawe lumawanna si Tou. I yamiu suete nanal᷊amatta ṛuangannu Israel wuassu ṛuumannu Mawu.”

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

2 TAWARIKH 12:5

Sutempo udde i Ratu Rehabeam wuṛṛu manga piaṛṛa'u Yehuda uaammule su Yerusalem ana waugu tinumal᷊angngi Sisak. Nabi Semaya nirumanta ringanni mangitou wuṛṛu nabbisara, “Arendi wisaran Mawu, ‘I yamiu buatte nanantang-Ku, nariaddi orassa indi Ya'u lai manantangngi yamiu na'oman sara i yamiu massuṛṛubawa si Sisak.’ ”

2 TAWARIKH 26:5

Zakharia eteudde sangkatou mananantiro su pangangimanne. Su al᷊o'engngu i Zakharia ta'e mabbiakka, Uzia ringannu matuṛṛutta mattaṛṛamawu Mawu na'oman sara Mawu nangal᷊amatta si tou.

2 TAWARIKH 34:3

Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.

EZRA 8:22

I ya'u maddiri maddorongnga tantaran awal᷊o su ratu tadea'u iapariagga si yami wuassu pangalon seetta sulal᷊ummu amatanna. Ana waugu i ya'u buatte nabbisara si tou, manungku Ruatan kami mangngal᷊amatta suapan taumata apan mattaṛṛamawu si Tou wuṛṛu maddantinnu see makkuumannu suapan taumata apan tawe satia si Tou.

DARALO 34:4

Paddalote Mawu su sampunna ringangku, wette suadio'a mamantuga aran-Ne.

DARALO 53:2

Taumata longonna mabbisara sulal᷊ummu naungnge, “Tawe Duata.” Inolaanni mangitou lal᷊eo wuṛṛu maarantinna; taweddu ma'ola'a apapia.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

REENGANNA 14:42

Imbaṛṛangnga inai! I yamiu sarun iawaddon manga seennu ana waugu Mawu tawe uarundinganna si yamiu.

REENGANNA 14:43

Su tempo i yamiu masasaruannu taumatan Amalek wuṛṛu taumatan Kanaan udde, i yamiu sarun mate sulal᷊ummu pangalo. Mawu tawe mallu'adda si yamiu ana waugu i yamiu mal᷊awangnga si Tou.”

TAHIUL᷊E 4:29

Ana see i yamiu sarun maddea'a Mawu Ruatanu, wuṛṛu amungkangngu i yamiu maddea'a si Tou ringannu ahewallu naungngu, i yamiu sarun maasomba si Tou.

MAL᷊AṚṚUUNGNGA 10:13

Salaiwe aroddi, yamiu ewe'e ta'e lai tuttal᷊iudda si Ya'u, ana see inai massubba manga monganna. Orassa indi Ya'u maddirite mamallossi yamiu apia.

1 SAMUEL 12:14

Lal᷊umanna'a si yamiu amungkangu i yamiu mangngaddatta Mawu wuṛṛu mattaṛṛamawu si Tou, lapiddu maddaringikka wuṛṛu tuttuṛṛutta parenta-Ne, nangillembo lai amungkangu i yamiu wuṛṛu ratunu udde sidutu tuttuṛṛutta Mawu Ruatanu.

1 SAMUEL 12:15

Arawe, amungkangu i yamiu tawe maddaringikka Mawu, ewe'e lai lullawangnga parenta-Ne, i yamiu wuṛṛu ratunu sarun ro'apannu Mawu.

1 MARARATU 11:25

Ere lai i Hadad, i Ratu Rezon lai asaseettu Israel sutempo pabbiaṛṛanni Salomo, wuṛṛu mangngal᷊iba'ukku wanua udde.

2 TAWARIKH 11:12

see lai allungnga wuṛṛu wangkao. Ringannu aroddi wageangngu leta'u Yehuda wuṛṛu Benyamin sidutu sulal᷊ummu taṛṛinone.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

AMOS 5:14

Pattinsahadde ma'ola'a apapia wuṛṛu imbaṛṛangnga ma'ola'a al᷊al᷊eo, tadea'u i yamiu wiakka. Ne Mawu Apan Lembontaṛṛino sarun atonna-tonna matana'a suwallatti yamiu ere buatte niwasaran kamiu.

ZAKARIA 1:3

Arawe orassa indi i Ya'u mabbisara si'o: Pabbelengke ringang-Ku, ne i Ya'u lai sarun mabbelengnga ringannu.