2 TAWARIKH 15:15 - WUKE SUSI WATTI'U AL᷊AL᷊USASSA

¹⁵ Tumana'u Yehuda sarangkanambone lulluassa ana waugu i mangitou buatte na'ola'a paaire udde ringannu ahewallu naungnge. I mangitou mal᷊uassa maddalo Mawu, wuṛṛu Mawu lai mal᷊uassa manengkamma si mangitou. I tou nangonggolu atatammudda su leta'i mangitou.

2 TAWARIKH 15:15 Referans Kwoze

2 TAWARIKH 14:7

Asa nabbisara su tumana'u Yehuda, “Mappianne i ite manohassa manga soa ringannu ma'ola'a tanda'a watune ipamal᷊iwutta wuṛṛu manga candi see lai ngara mal᷊oangnga ringannu manga alu papal᷊ene. I ite buatte napangaṛṛo wanua indi ana waugu i ite buatte tinumuṛṛutta apulun Mawu Ruatan kite. I Tou nappadul᷊i si ite wuṛṛu ual᷊u'adda wanuan kite.” Ne i mangitou nanattakke mammangunna wuṛṛu mangnginsue manara udde ringannu mapia.

2 TAWARIKH 15:12

I mangitou naddiandi su Mawu manungku ringannu ahewallu naungnga wuṛṛu niawa, i mangitou sarun mabbiakka tuttuṛṛutta apulun Mawu Ruatan al᷊amonan mangitou.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

DARALO 119:111

Parenta-Ne uddewe pussa'a-U sarangkal᷊o'engnge, apan naal᷊uassa naungku.

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

2 TAWARIKH 15:4

Arawe sutempo i mangitou sulal᷊ummu asasusa, i mangitou ma'iontolla su Mawu Ruatan Israel. I mangitou naddorongnga tatantiro-Ne ne i Tou nangonggola.

FILIPI 1:23

I ya'u wabollenganna wuassu ruan ba'a. I ya'u maapulu atonna manantangngu runia indi see inai matana'a ringanni Kristus, ana waugu eteudde lembon apianne;

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

AMSAL 3:17

Asingkatta ma'ola'a wiakku masunge wuṛṛu matahul᷊andimma.

DARALO 119:106

Apan ta'u pina'ire ringannu sasalu sarun ta'u tipusanna, tadea'u ipangagassa raṛṛawen-Nu apan matul᷊idda.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

NEHEMIA 8:9

Naaringikka pabbawasan Tita udde, tumanangnge nabbal᷊i lembon natuno, ana see nilumuai. Ne gubernure Nehemia wuṛṛu Imam Ezra mapapanden Tita udde, see manga taumatan Lewi apan nanal᷊a'an Tita udde, nabbisara su anambon tumanangnge arendi, “Allo indi allo apan niṛṛae su Mawu Ruatanu, nariaddi arie masusa ara'e lumuai.

2 TAWARIKH 29:36

Ne naungngi Ratu Hizkia wuṛṛu tumanangnge nal᷊uasse ana waugu sulal᷊ummu tempo apan mal᷊ihakka Ruata buatte nassumbala na'ola'a sarangkanambone udde.

2 TAWARIKH 15:6

Walahanna sambau mammangalo walahanna waine, wuṛṛu soa sambau mammangalo soa waine, ana waugu Ruata nandantan al᷊iba'ukka apan wahewa si mangitou.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

YOSUA 23:1

Allannune napawe Mawu nangonggolu atatammudda su ṛuangannu Israel; i mangitou tate lai mata'uttu wawansagu seetta. Su tempo udde i Yosua timmadete atonna.

TAHIUL᷊E 26:11

Pa'adiangkamante su al᷊awo'u wiakka apan nionggolu Mawu Ruatanu si yamiu wuṛṛu su amonannu. Aheite taumatan Lewi wuṛṛu taumata raho apan uatana'a suwallati yamiu apan uatantalongnga sulal᷊ummu ramea udde.

2 TAWARIKH 29:10

Orassa indi i ya'u maapulu ma'ola'a paaire ringannu Mawu Ruatan Israel, tadea'u i Tou tate masa'u lai si ite.

2 TAWARIKH 14:6

na'oman sara i tou wotongnge napa'ola'a tanda'a watu su manga soan Yehuda. Manga pira tonna al᷊annune tawe nariaddi pangalo ana waugu Mawu nangonggolu paddarame si tou.

2 TAWARIKH 15:14

Ringannu tingikka ma'ikkatta i mangitou nassalu su Mawu manungku i mangitou sarun mangaggassa paaire udde. Wua'udde i mangitou ringante pasi pangintul᷊i wuṛṛu nattiuppa trompeta.

2 TAWARIKH 20:30

Ana waugu udde i Yosafat namarentate ringannu matammudda, wuṛṛu Mawu nangonggola si tou paddarame su ahewallu wanua.

DARALO 119:10

Ringannu ahewallu naungku i ya'u mattinsahadda ma'illal᷊a Si'o, arie pabbala'a i ya'u sumewadda wuassu parenta-Nu.

SASABANGNGA 24:3

Ana see i Musa inaite wuṛṛu namasingkatta su walahanna udde anambon parenta wuṛṛu atorannu Mawu. I mangitou sarangkanambone sinumimbakka sangkaṛṛindo'a, “Yami ma'apulu tumuṛṛutta anambon parenta apan niwisaran Mawu.”

YOSUA 24:25

Ne su allo udde su Sikhem i Yosua na'ola'a paddariandi ringannu taumatan Israel; wuṛṛu isudde i tou nangonggolu manga tita si mangitou wuṛṛu manga atoranna apan ṛinone olaanni mangitou.

1 TAWARIKH 16:10

Ete i Tou Mawu Apan Lembon tinggassa; lalluasse ana waugu i ite tatahuanan-Ne; sarangkanambone apan massubba si Tou ṛinone lumala'a.

2 TAWARIKH 11:16

Manga taumata wuassu anambon ṛuangannu Israel apan atonna-tonna maapulu massubba Mawu, Ruatan Israel, nangingkatte watukku Yerusalem, tinumantalongnga manga taumatan Lewi udde tadea'u wotongnge mangonggolu sasamba su Mawu, Ruata apan sassubbannu al᷊amonan mangitou.

2 TAWARIKH 19:3

Salaiwe aroddi piaddu lai apapia si Tuangnga. i Tuangnga buatte nandammen anambon paal᷊uannu Monganni Asyera apan sassubbannu tumana'u soa wuṛṛu i Tuangnga buatte nattinsahadda mabbiakka tumuṛṛuttu apulun Duata.”