2 TAWARIKH 14:7 - WUKE SUSI WATTI'U AL᷊AL᷊USASSA

⁷ Asa nabbisara su tumana'u Yehuda, “Mappianne i ite manohassa manga soa ringannu ma'ola'a tanda'a watune ipamal᷊iwutta wuṛṛu manga candi see lai ngara mal᷊oangnga ringannu manga alu papal᷊ene. I ite buatte napangaṛṛo wanua indi ana waugu i ite buatte tinumuṛṛutta apulun Mawu Ruatan kite. I Tou nappadul᷊i si ite wuṛṛu ual᷊u'adda wanuan kite.” Ne i mangitou nanattakke mammangunna wuṛṛu mangnginsue manara udde ringannu mapia.

2 TAWARIKH 14:7 Referans Kwoze

1 PETRUS 3:12

Ana waugu Mawu sidutu ma'ellega manga taumata apan tuttuṛṛutta apulu-Ne, wuṛṛu Mawu sidutu maddaringikka manga aal᷊iomanni mangitou; arawe Mawu lullawangnga manga taumata apan ma'ola'a al᷊al᷊eo.”

2 TAWARIKH 14:6

na'oman sara i tou wotongnge napa'ola'a tanda'a watu su manga soan Yehuda. Manga pira tonna al᷊annune tawe nariaddi pangalo ana waugu Mawu nangonggolu paddarame si tou.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

YOHANES 9:4

Tantal᷊anna ta'e allo, i ite ṛinone mammanara manaran Tou apan nandolo-U. Ṛabbi sarun dumanta, wuṛṛu tawe saran sangkatou apan wotongnge maapammanara.

2 TAWARIKH 32:5

Ana see ratu nanohassa tanda'a watu su soa ringannu nangapia darandunge, napararisikku manga menara al᷊iurosone wuṛṛu na'ola'a manga darandunge waine su liudde. Waine lai i tou nangapia tanda'a watu apan niapararisikka su wowon leta'a apan niombo su samba'a ra'i wageangngu soa Yerusalem tabbe. I tou lai nandolokka niaola'a manambo sambeangnga wuṛṛu allungnga.

2 TAWARIKH 14:4

Tumana'u Yehuda nirolokke mabbiakka tumuṛṛuttu apulun Mawu, Ruatan al᷊amonan mangitou, wuṛṛu maddaringikka manga al᷊aṛṛang-Nge wuṛṛu manga parenta-Ne.

2 TAWARIKH 8:5

Soa Bet-Horon-Rosone wuṛṛu Bet-Horon-Wowane niola'a apia naola'a soa pia tanda'a watune ringannu ngarane mal᷊oangnga.

YOSUA 23:1

Allannune napawe Mawu nangonggolu atatammudda su ṛuangannu Israel; i mangitou tate lai mata'uttu wawansagu seetta. Su tempo udde i Yosua timmadete atonna.

2 TAWARIKH 15:15

Tumana'u Yehuda sarangkanambone lulluassa ana waugu i mangitou buatte na'ola'a paaire udde ringannu ahewallu naungnge. I mangitou mal᷊uassa maddalo Mawu, wuṛṛu Mawu lai mal᷊uassa manengkamma si mangitou. I tou nangonggolu atatammudda su leta'i mangitou.

2 TAWARIKH 20:30

Ana waugu udde i Yosafat namarentate ringannu matammudda, wuṛṛu Mawu nangonggola si tou paddarame su ahewallu wanua.

1 MARARATU 15:23

Watti'a waine su ola'i Ratu Asa, eteudde awawaṛṛanine wuṛṛu manga soa apan nitohanne, nawoṛṛette sulal᷊ummu wuke Watti'u Mara Ratun Yehuda. Sutempo i tou timmadete i Asa uatataṛṛangnga radda'a su leddane ruam ba'a.

2 TAWARIKH 17:13

I tou nangombon anna apan manambo su soa udde. Su Yerusalem i tou napatana'u manga piaṛṛa'u tantara apan matohassa,

2 TAWARIKH 17:17

Tembonannu tantara wuassu manga ṛuanganna sulal᷊ummu ṛuanganni Benyamin eteudde i Elyada, sangkatou tantara apan matohassa. I tou uapiaṛṛa'u 200.000 su atoune tantara apan nariahi ringannu anaanna wuṛṛu allungnga.

2 TAWARIKH 25:5

Ratu Amazia nangammullu anambon taumata wuassu ṛuanganni Yehuda wuṛṛu Benyamin ana see nandolokki mangitou niapararisikka tumuṛṛuttu ṛuanganne sambau-sambau, su piaṛṛa'u sangkatou tembonannu tantara maṛṛasutta. Wua'udde i tou namile manga taumata apan uukke 20 su tonnane ire'e apan wotongnge mapapangalo wuṛṛu pande mappaattu sambeangnga wuṛṛu allungnga. I mangitou anambone 300.000 su atoune.