2 TAWARIKH 12:6 - WUKE SUSI WATTI'U AL᷊AL᷊USASSA

⁶ Ratu wuṛṛu piaṛṛangnge naatutukke manungku i mangitou narosate. I mangitou nabbisara, “Apa apan niola'u Mawu udde naṛṛino.”

2 TAWARIKH 12:6 Referans Kwoze

SASABANGNGA 9:27

Ana see ratu namago si Musa wuṛṛu si Harun, wuṛṛu nabbisara, “I Ya'u narosate. Ete Mawu apan naṛṛino, i ya'u wuṛṛu tumana'u araratuangku buatte na'ola'a pasasal᷊a.

DANIEL 9:14

I'o, oh Mawu Ruatan kami, buatte nakkuumanni yami ringannu asasilaka apan buatte nisaddia-Nu; manara-Nu sidutu naṛṛino wuṛṛu matul᷊idda, arawe i yami tawe maddaringikka tingikku Mawu.

YAKOBUS 4:10

Ṛinone i yamiu sumallungu watangannu su saruannu Mawu, ne Mawu sarun manduitti yamiu.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

DANIEL 5:22

Arawe anangnge esakka, eteudde Tuangku sassane, maddiri mapaawawon watanganne, salaiwe Tuangku masingkattu sarangkanambone udde.

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

YEREMIA 44:10

Arawe naddatingngu allo indi i yamiu tawe sumallungngu watangannu. I yamiu tawe mangaddatta si Ya'u wuṛṛu tawe mabbiakka tumuṛṛuttu tita apan Ta'u nionggolla si yamiu wuṛṛu su al᷊amonanu.

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

YEREMIA 13:15

Umattu Israel, Mawu buatte nabbisara! arie pamunga, paddaringikka si Tou!

DARALO 129:4

Arawe Mawu apan matul᷊idda i ya'u buatte nipallossa wuassu patataṛṛuallanga.”

AYUB 33:27

Ne su saruannu awadaalla i tou sarun mabbisara, ‘Iapa lal᷊eo sassunnangku mapia, ahewallawe eteapa rosa'u, arawe Ruata tawe makkuumangku.’

2 TAWARIKH 33:23

Arawe uapapaṛṛalan iamangnge, Amon tawe sinumallungngu watanganne, wuṛṛu tawe nabbal᷊i'a ringannu Mawu; ewe'e i tou maddosanna wuassu iamangnge.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

2 TAWARIKH 33:12

Sulal᷊ummu asasusane udde i tou sinumallungngu watanganne su saruannu Mawu Ruatane, wuṛṛu niumal᷊iomanna maddorongnga aontolu Mawu.

2 TAWARIKH 32:26

Arawe panginsueanne i Hizkia wuṛṛu manga taumatan Yerusalem sinumallungngu watanganne, ne su al᷊annune i Hizkia ta'e wiakka ṛuumanna udde sidutu iapaamatta.

MAL᷊AṚṚUUNGNGA 1:7

Unni Adoni-Bezek, “Dorone pitum pul᷊o su atoune ratun seetta ta'u nipototta inangngu lima wuṛṛu leddane, ana see i mangitou ta'u niwala niumanna manga anna lambene apan tinumaṛoto wuassu medda'u. Orassa indi Ruata na'ola'a si ya'u ere lai ya'u na'ola'a si mangitou.” Wua'udde i Adoni-Bezek niapidda watukku Yerusalem, ne i tou natete poiaroddi.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

2 TAWARIKH 12:12

Ana waugu ratu niuma'ukku'u watanganne su saruannu Mawu, wuṛṛu lai ana waugu ta'e pia manga inolaanna apan mapia su Yehuda ne asasa'u Mawu si Rehabeam nompo'e wuṛṛu tate mamate si tou.

2 TAWARIKH 21:2

Yehoram ana'i Yosafat, ratun Yehuda, pia siri annumma tuṛṛangnga esakka: Azarya, Yehiel, Zakharia, Azariahu, Mikhail, wuṛṛu Sefaca.