2 TAWARIKH 12:13 - WUKE SUSI WATTI'U AL᷊AL᷊USASSA

¹³ Rehabeam namarenta su Yerusalem wuṛṛu taṛṛinone mangke wahewalla. Uukki Rehabeam 41 su tonnane sutempo i tou naola'a ratu, wuṛṛu i tou namarenta 17 su tonnane al᷊annune su Yerusalem, soa apan wuassu anambon leta'u Israel nipilem Mawu apan maola'a tampa patataṛṛamawuanna si Tou. Inangngi Rehabeam eteudde Naama wuassu wanua Amon.

2 TAWARIKH 12:13 Referans Kwoze

1 MARARATU 14:21

Sutempo i Rehabeam, ana'i Salomo, naola'a ratun Yehuda, uukki tou appattu pul᷊o assa su tonnane. I tou uaparenta mapul᷊o pitu su tonnane al᷊annune su Yerusalem. Wuassu ahewallu Israel soa udde buatte niṛṛae su Mawu maola'a tampa patataṛṛamawuanna si Tou. Inangi Rehabeam eteudde i Naama wuassu walahannu Amon.

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

NEHEMIA 13:26

Wisara'u, “Wal᷊inewe rosa indi lai niola'i Ratu Salomo? Tawe datu su runia indi apan maggewal᷊anna wuassi tou. Ruata nandangngu si tou wuṛṛu na'ola'a si tou ratu su ahewallu Israel. Salaiwe aroddi i tou buatte nisal᷊o'u manga wawinen balahanna waine tadea'u ma'ola'a rosa.

NEHEMIA 13:1

Sutempo titan Musa niwasa su tumana'a, nisombangante tal᷊aane indi: ‘Taumatan Amon wuṛṛu Moab mangke imbaṛṛangnga maammullu umattu Ruata;

2 TAWARIKH 13:7

I tou nangammulu manga taumata lal᷊eo wuṛṛu namata'u apulun mangitou si Rehabeam ana'i Salomo, apan sutempo udde ta'e saṛṛen tumuwo tawe asingkatta manal᷊are.

1 MARARATU 11:1

I Ratu Salomo uapulun manambo wawine wuassu wanua waine. Wal᷊ine wuassu sinangiannu ratu Mesir, i Salomo na'awingnga lai ringannu manga wawinen Het, Moab, Amon, Edom wuṛṛu Sidon.

TAHIUL᷊E 23:3

Taumatan Amon wuṛṛu Moab see lai papapulunni mangitou maddatingngu appul᷊one ṛawanne tawe wotongnge maola'a al᷊aṛṛana'u Mawu,

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

2 TAWARIKH 12:1

Napawe pamamarentan Rehabeam naola'a sangkatou ratu matohasse, i tou wuṛṛu tumana'u Israel sarangkanambone tate tumuṛṛutta titan Mawu,

1 MARARATU 11:36

Arawe sambau ṛuanganna sarun Ta'u iwala si tou, tadea'u sidutu pia sangkatou wuassu papapulunni Daud apan mamarenta ana waugu i Ya'u su Yerusalem, soa apan buatte Ta'u nipile maola'a tampa patataṛṛamawuanna si Ya'u.