2 TAWARIKH 10:14 - WUKE SUSI WATTI'U AL᷊AL᷊USASSA

¹⁴ Nassul᷊ungngu al᷊aṛṛa'u dario'a, i tou nabbisara, “Iamangku nangonggolu winabbawa apan mawakkatta si yamiu, arawe i ya'u sarun ma'ola'a winabbawa udde mabbakkatanna lai. I tou nanggesekka si yamiu ringannu sambokka, arawe i ya'u sarun manggesekka si yamiu ringannu sambokka ṛoangnge atta'a!”

2 TAWARIKH 10:14 Referans Kwoze

YAKOBUS 3:14

Arawe amungkangu i yamiu taṛṛa l᷊uadda, naungnge lal᷊eo, wuṛṛu maṛṛingiddu ririnu sassane, arie mamarabungan apande udde, ana waugu ringannu udde i yamiu mammal᷊elongngu watti'a mapia wuassu Ruata.

DANIEL 6:7

Wua'udde i mangitou inaite suadio'a sinumaruanna ratu wuṛṛu nabbisara, “Oh Tuangku Ratu Darius, wiakke Tuangku saran mal᷊annu-l᷊annu!

MANNANASE 10:16

Nasilakate wanua apan ratune saṛṛentumuwo, wuṛṛu manga tembonanne saṛṛabbi tuudda maddamea.

MANNANASE 7:8

Mappianne panginsueannu sambau hatto wuassu panattaṛṛanne; mappianne masabare wuassu tumaniten mawunga.

MANNANASE 2:19

wuṛṛu isai masingkatta tanne i tou pande ara'e woddo? Arawe salaiwe erepa i tou sarun manahuanna hessin inasaharangku apan buatte niasombangangku sutempo i ya'u mabbiakka su runia indi al᷊amattu inasaharangku wuṛṛu asingka'u. Nariaddi, udde lai sia-sia.

AMSAL 17:14

Manattakku patatiakka udde naal᷊ihidda namaassa lal᷊annu ua'e; ana waugu soṛṛote tantal᷊anna patatiakka taambe nanattakka.

AMSAL 12:5

Taumata matul᷊idda maṛṛingiddu apa mapia; taumata lal᷊eo mangngumpangngu pangangawusu.

SONDAPPA 9:3

See wuassu lal᷊ummu timbula udde sinumabbangke manga saṛṛappalanna apan sinumossoka watukku runia. Manga saṛṛappalanna udde nionggol᷊annu taṛṛino apan uasul᷊ungnga ere lai nionggolla su kalajengking.

SONDAPPA 9:5

Manga saṛṛappalanna udde tawe wotongnge mamate manga taumata udde, ewe'e tumba'u manansara si mangitou lima wul᷊anna al᷊annune. Taddu'a apan ni'uittu manga saṛṛappalanna udde naal᷊ihidda taddu'a ni'uittu kalajengking.

SONDAPPA 9:10

I mangitou pia tol᷊ene wuṛṛu pia a'uinne naal᷊ihidda kalajengking. Wuṛṛu sulal᷊ummu tol᷊e mangitou udde pia atatohassi mangitou ipanansara taumata al᷊annune lima wul᷊anna.

2 TAWARIKH 10:13

Uapapaṛṛalan al᷊aṛṛa'u matatimmade, awadaalla apan nirumanta ringanni tou udde niwo'anna ringannu maṛṛagissa.

2 TAWARIKH 10:15

Darorongngu awadaalla tawe niraringiṛṛanne. Arawe udde apulun Mawu Ruata. Apa apan niwisaran Mawu si Nabi Ahia wuassu Silo su ola'i Yerobeam ana'i Nebat ṛinone matipussa.