2 SAMUEL 7:27 - WUKE SUSI WATTI'U AL᷊AL᷊USASSA

²⁷ Mawu Apan Lembontaṛṛino! I ya'u mamaṛṛani batangangku manduittu aal᷊iomanna indi Si'o, ana waugu I'o sassane buatte nangonggolla si ya'u manungku ana'a papulunna sarun olaan-Nu ratu su walahanna indi.

2 SAMUEL 7:27 Referans Kwoze

DARALO 10:17

Mawu, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

RUT 4:4

Wuṛṛu antimangku i'o ṛinone masingkattu ola'u hatto udde. Amungkangngu i'o mappulu mamalli, wal᷊oa'e su saruannu manga taumata apan ua'ianna isindi. Amungkangngu tawe, wal᷊oa'e paasemakka, ana waugu tumba'u iaddua apan pia taṛṛino su hatto udde; i'o paarorone wua'udde i ya'u.” Sasimbakku taumata udde, “Ore, i ya'u sarun mamalli.”

DARALO 40:6

Mawu, anambone eteapa inolaan-Nu si yami, oh Mawu Ruata'u, I'o taweddu panumandinganne! Tumaniten manambo ṛiin-Nu apan maatiangnga si yami, tawe iawatti'a abbi.

1 SAMUEL 9:15

Ne allo massallo nal᷊iu wua'udde Mawu nananata si Samuel arendi,

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.