2 SAMUEL 7:23 - WUKE SUSI WATTI'U AL᷊AL᷊USASSA

²³ Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

2 SAMUEL 7:23 Referans Kwoze

TAHIUL᷊E 10:21

Paddalote si Tou, ana waugu i Tou Mawu Ruatanu. Ringannu mata wuṛṛu puanu sassane i yamiu naasilote manga inolaanna apan bahewalla wuṛṛu ma'ata'utta apan niola'i Tou si yamiu.

TAHIUL᷊E 9:26

wuṛṛu niumal᷊iomanna arendi: Oh Mawu Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

DARALO 147:20

I Tou tawe na'ola'a aroddi su walahanna waine, i mangitou tawe maaillal᷊a manga tita-Ne. Paddalote Mawu!

DARALO 111:9

I Tou namallossu al᷊aṛṛanang-Nge, wuṛṛu nakkiinnu paaire apan tawe pangudusanne si mangitou. Ete i Tou Mawu apan na'ukkassa wuṛṛu matohassa!

NEHEMIA 1:10

Mawu, i yami indi manga allang-Ngu, uman-Nu sassane apan buatte niapasal᷊aman-Nu ringannu taṛṛino wuṛṛu atatohan-Nu apan wahewalla.

TAHIUL᷊E 33:29

Lal᷊uassa si'o ei Israel! Tawe walahanna ere i'o niapasal᷊amattu Mawu. Mawu naal᷊ihidda hal᷊ele wuṛṛu allungnga si yamiu; ipanamba'a wuṛṛu ipangonggolu auntunganna si yamiu. Manga seennu sarun dumanta madorongnga aakkanna, wuṛṛu i'o sarun maṛṛinda si mangitou.”

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

DARALO 40:5

Lal᷊umanna'a su taumata apan mangngimanna Mawu, apan tawe tinumantalonga massubba manga monganna, ara'e maiontolla su taumata mawunga.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

DARALO 145:6

I mangitou sarun mamasingkattu manga inolaan-Nu apan wahewalla, ahahewallu Mawu sarun ta'u iwatti'a.

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

1 TAWARIKH 17:21

Su ahewallu runia tawe walahanna ere Israel. Tumba'u Israel sambau walahanna apan Ta'u nipallossa pattataṛṛualanganna tadea'u maola'a al᷊aṛṛana-U sassane. Al᷊awo'u inolaanna apan wahewalla wuṛṛu maatiangnga niolang-Ngu si mangitou naola'a aran-Nu tinumelengnga su ahewallu runia. I'o namallossu al᷊aṛṛanang-Ngu wuassu Mesir, wuṛṛu nallimbuakka manga walahanna waine sutempo al᷊aṛṛanang-Ngu inai mapapangalo.

YOSUA 7:9

Taumatan Kanaan wuṛṛu anambon taumata waine su leta'a indi sarun maaringikka olangnge udde. I mangitou sarun mamangalo wuṛṛu mamate si yami sarangkanambone! Ana see apa sarun olaannu tadea'u I'o sidutu a'addatanna?”

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 106:22

Mangke wahewalla atonna manga inolaan-Ne su wanua udde, maatiangnga manara-Ne su Tahal᷊oangngu Gelagah.

REENGANNA 6:27

Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

YEREMIA 32:21

Ringannu taṛṛino wuṛṛu atatohan-Nu apan wahewalla I'o nangapiddu umattu Israel sinumabbangnga wuassu Mesir. I'o ma'ola'a manga al᷊aṛṛindu'a wuṛṛu manga tiala apan ma'atiangnga see manga riaddianna apan ma'ata'utta seetta.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 9:15

Unnu wisara i Ya'u ma'apulu makkuumannu wuṛṛu tumanangngu ringannu radda'a, i yamiu sarangkanambone natete.

SASABANGNGA 33:16

Ereapa taumata sarun maasingkatta manungku I'o mal᷊uassa si ya'u wuṛṛu su walahanna indi amungkangngu I'o tawe mantul᷊ungngi yami? Darantan Mawu su pattangnganni yami sarun paṛṛalane si yami wuassu manga walahanna waine su runia.”

2 SAMUEL 7:24

Walahannu Israel buatte niolang-Ngu al᷊aṛṛanang-Ngu sassane saran mal᷊annu-l᷊annu, wuṛṛu I'o oh Mawu, naola'a Ruatan mangitou.

DARALO 44:3

I'o sassane nallimbuakka manga walahanna tadea'u al᷊aṛṛanang-Ngu mamanua su wanuan mangitou. Manga walahanna waine nisilaka-Nu, arawe al᷊aṛanang-Ngu niwalanu mabbalaga.

YEREMIA 32:20

Sutempo dorone I'o ma'ola'a al᷊aṛṛindu'a wuṛṛu manga inolaanna apan bahewalla su Mesir, wuṛṛu na'oman sara orassa indi lai I'o ta'e uata'a ma'ola'a udde, mawae suwallattu taumatan Israel aroddi lai suwallattu al᷊awo'u walahanna waine. Ana waugu udde I'o tinumelengke su anambon tampa.