2 SAMUEL 7:21 - WUKE SUSI WATTI'U AL᷊AL᷊USASSA

²¹ Sulal᷊ummu pa'aire-Nu wuṛṛu wuassu apulu-Nu sassane I'o na'ola'a manga inolaanna wahewalla udde ipangaṛṛa'a allang-Ngu indi.

2 SAMUEL 7:21 Referans Kwoze

DARALO 115:1

Wal᷊ine i yami, oh Mawu, wal᷊ine i yami, arawe tumba'u I'o apan raddaloanna, ana waugu I'o mapia wuṛṛu sidutu marangngu.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

1 KORINTUS 1:1

Manga tuṛṛangnga jamaattu Ruata su Korintus! Tuṛṛangnga buatte niwaggoannu Ruata maola'a al᷊aṛṛanang-Nge ana waugu tuṛṛangnga tatahuananni Kristus Yesus, su sampunna ringannu anambon taumata su al᷊awo'u tampa apan massubba Mawun kite Yesus Kristus, eteudde Mawu mangitou wuṛṛu Mawun kite lai. I ya'u, Paulus, wuṛṛu tuṛṛangngi ite Sostenes, mangngantimma doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u namoṛṛettu suratta indi ana waugu i ya'u rasulli Kristus Yesus, apan buatte nitenegu Ruata sassane wuṛṛu wuassu apulu-Ne sassane lai.

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

LUKAS 10:21

Su tempo udde lai, Mawu Yesus lullala'a ana waugu niasuttannu Ghaṛṛahon Ruata. Mawu Yesus nabbisara, “Iamangnga, Mawu apan uatahuanna langitta wuṛṛu runia! I Ya'u ma'adiangkamanna Si'o ana waugu sarangkanambone udde niadappingngu su taumata nambo apan pande wuṛṛu pia asingkanne, arawe I'o napaal᷊iatta'a su manga taumata tawe si'ol᷊ane. Eteudde apan ma'al᷊uassa naungngu Iamangnga.

LUKAS 1:72

Wuṛṛu mammasilo naungnge mapia su iupungngu al᷊amonang kite, pa'aire-Ne apan naukkassa sarun tipusan-Ne.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

MATIUS 11:26

Eteudde ma'al᷊uassa naungngu Iamangnga.”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

EFESUS 4:32

Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

1 TAWARIKH 17:19

Wuassu apulu-Nu sassane wuṛṛu hunane su manara'u I'o na'ola'a anambon manara wahewalla indi ringannu matualaga.