2 SAMUEL 5:19 - WUKE SUSI WATTI'U AL᷊AL᷊USASSA

¹⁹ I Daud naiwal᷊o Mawu, “Apa ṛinone i ya'u mamangalo taumatan Filistin udde? Apa I'o mangonggollu auntunganna si ya'u?” “Pangaloite!” sasimbakku Mawu. “I ya'u sarun mangonggollu auntunganna si'o!”

2 SAMUEL 5:19 Referans Kwoze

2 SAMUEL 2:1

Wua'udde i Daud naiwal᷊ote Mawu, “Mawu maapulu i ya'u inai manahuanna sambau soa su Yehuda?” “Ore,” sasimbakku Mawu. “Soa suapane?” Daud naiwal᷊o. “Hebron,” sasimbakku Mawu.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

1 SAMUEL 23:2

Ana see i tou naiwal᷊ote Mawu, “Ṛinonewe ya'u inai mamangalo taumatan Filistin?” “Ore,” sasimbakku Mawu, “Pangaloite i mangitou wuṛṛu panal᷊amatte tumana'u Kehila.”

YAKOBUS 4:15

Ṛinone i yamiu mabbisara arendi, “Amungkangu Mawu mamala, i yami sarun mabbiakka wuṛṛu mammanara indi ara'e udde.”

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

2 SAMUEL 5:23

Paassa lai i Daud naddorongnga tatantiro wuassu Mawu. Mawu sinumimbakka, “Arie pamangalo si mangitou wua isindi, arawe amatte pamal᷊iwutta wuṛṛu pangaloite i mangitou wuassu liudde, maranin manga punnu alu murbei.

1 SAMUEL 28:6

Ana see i tou naddorongke tatantiro su Mawu, arawe Mawu tawe sinumimbakka, mawae ete su wal᷊iawa ara'e lai mappaattu Urim wuṛṛu Tumim ara'e lai iwal᷊on manga nabi.

1 SAMUEL 23:4

Ana waugu udde paassa lai i Daud naddorongnga tatantiro wuassu Mawu, wuṛṛu Mawu sinumimbakka, “Arie passinggawangnga. Pangaloite soa Kehila, ana waugu tantaran Filistin udde Ta'u itantilla si'o.”

1 SAMUEL 22:15

Atonna, allangngu buatte naddorongnga tatantiro su Ruata hunan Daud, arawe wal᷊inewe wakkute pa'assa allangngu na'ola'a udde. Su ola'u pabbawaidda lumawangnga si Tuangnga, arie i Tuangnga mangansilla allangngu ara'e sangkatou sulal᷊ummu walahannu allangngu. Allangngu mangke wagga su hatto udde!”