2 SAMUEL 4:9 - WUKE SUSI WATTI'U AL᷊AL᷊USASSA

⁹ Arawe i Daud sinumimbakka, “Mawu apan biakka, apan buatte nanal᷊amatta si ya'u wuassu al᷊awo'u asasilaka, masingkatta manungku wisara'u indi naṛṛino.

2 SAMUEL 4:9 Referans Kwoze

DARALO 107:2

Wisara'e paasokka, ei i yamiu apan buatte niapasal᷊amatta wuassu asasusa.

DARALO 34:17

Arawe taumata apan ma'ola'a al᷊al᷊eo raddo'apan-Ne; amungkangu i mangitou nate, i mangitou mal᷊ihakka timbul᷊iananna.

1 MARARATU 1:29

Ana see ratu nabbisara si tou, “Atonna i ya'u naddiandi si'o, ringannu arannu Mawu, Ruatan Israel, manungku i Salomo anangngu sarun mallol᷊ossa si ya'u maola'a ratu. Ne, orassa indi ya'u maddiandite si'o ringannu arannu Ruata apan biakka, apan buatte namallo'u wuassu alawo'u asasusa'u, manungku su allo indi lai ya'u sarun manipussa paaire'u si'o.”

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

DARALO 103:4

i Tou apan namallossu niawanu wuassu labbinga, apan nangonggolla si'o ringannu darangngu wuṛṛu aakkanna.

DARALO 71:23

I ya'u lullala'a ringannu lulluassa, lapiddu mangngantarin daralo Si'o. Wadangku mangngantari ringannu lulluassa, ana waugu I'o buatte nanal᷊amatta si ya'u.

DARALO 34:22

Taumata lal᷊eo sarun mate ana waugu al᷊al᷊eone, taumata apan maddantinu taumata susi sarun iṛṛuumanna.

DARALO 106:10

Ringannu aroddi i Tou nangal᷊amatta si mangitou wuassu ro'appa, i Tou namallossi mangitou wuassu taṛṛinon seetta.

DARALO 69:18

Ariewe pa'imbuni wuassu allang-Ngu indi, ana waugu i ya'u massusa, paasaṛṛawutte mangontola si ya'u.

1 SAMUEL 26:24

Nariaddi, ere lai i Tuangnga namalan allangngu wiakka su allo indi, aroddi lai antimanna allangngu lal᷊u'arannu Mawu wuṛṛu iapal᷊iu wuassu anambon asasilaka!”