2 SAMUEL 3:14 - WUKE SUSI WATTI'U AL᷊AL᷊USASSA

¹⁴ Wua'udde lai i Daud nandolokku daroloṛṛanna ringanni Isyboset, ringannu uaapiddu tanata, “ṛinone i Tuangnga mamelengngi Mikhal, awingku udde ringangku. I tou niawalliangkute ringannu maṛṛasutta pisi pentakku tawun taumatan Filistin.”

2 SAMUEL 3:14 Referans Kwoze

1 SAMUEL 18:25

ana see i Saul nandolokki mangitou niapawal᷊o si Daud, arendi, “Apan pappandumanni tuangnga maola'a wansan awingnga tumba'u 100 su waune pentakku pisi tawun taumatan Filistin, maola'a sambau wawal᷊issa su seetti tuangnga.” (Indi hol᷊agi Saul ipamate si Daud tadea'u isondo su taumatan Filistin.)

2 SAMUEL 2:10

Uukki Isyboset appattu pul᷊o su tonanne sutempo i tou naola'a ratu su Israel, wuṛṛu i tou namarenta rua tonna al᷊annune. Arawe ruanganni Yehuda sidutu tuttuṛṛutta si Daud,

MATIUS 1:18

Ereindi watti'a su ola'u asasungkangngu Mawu Yesus Kristus. Inangnge eteudde i Maria, uatatunangan Yusuf. Arawe su tempo i mangitou taambe naawingnga, niasingkatanna Maria piate illoṛṛo. (I Yusuf ta'e waga manungku Maria piate illoṛṛo ana waugu taṛṛinon Ghaṛṛaho Ruata.)

1 SAMUEL 25:44

Tantal᷊anna udde i Saul buatte nangawingngi Mikhal sinangianne, eteudde awingngi Daud, ringanni Palti ana'i Lais wuassu Soa Galim.

2 SAMUEL 3:15

Ana see i Isyboset nandolokku daroloṛṛanne niapaal᷊appa si Mikhal wuassu awingnge, eteudde i Paltiel ana'i Lais.

2 SAMUEL 6:16

Sutempo Wantalla udde tantal᷊anna ia'apidda sumutta sulal᷊ummu soa, i Mikhal sinangianni Saul nallinge wuassu sungketa ana see naasilo si Ratu Daud sussolo'a wuṛṛu massal᷊aingnga ipangaddatta Mawu, ne i Mikhal maddantinna ma'asilo si Daud.