2 SAMUEL 23:18 - WUKE SUSI WATTI'U AL᷊AL᷊USASSA

^18-19 Siri tallu pul᷊o piaṛṛa'u tantara apan tinumelengnga udde isassago lai “Tridasawira”. I mangitou ipappiaṛṛa'i Abisai tuarin Yoab, ana'i Zeruya. I tou buatte namate tallu ṛasutta suatoune ringannu sambeangnge. Ana waugu udde i tou tinumelengnga. Arawe i tou tawe ere awawaṛṛanin “Triwira”.

2 SAMUEL 23:18 Referans Kwoze

2 SAMUEL 10:14

Napawe taumatan Amon naasilo tantaran Siria tinumal᷊angnga, i mangitou lai tinumal᷊angngi Abisai wuṛṛu sinumoṛṛotte sulal᷊ummu soa. Napawe buatte namangalo taumatan Amon, i Yoab napul᷊ete su Yerusalem.

2 SAMUEL 10:10

Ingana'a lambene tantaran Israel nitantilli tou si Abisai tuarine, apan nangatokku barisanni mangitou uasasaruannu tantaran Amon.

2 SAMUEL 18:2

Wua'udde i mangitou niapaamatte inai mapapangalo sulal᷊ummu tatallu wageangnge, sambau-sambau su piaṛṛa'i Yoab, i Abisai tuarin Yoab, wuṛṛu i Itai wuassu Gat. Ratu nabbisara manga tantarane, “I ya'u lai tumantalongnga si yamiu.”

1 TAWARIKH 2:16

i Isai pia lai ruang katou ana'a wawine: i Zeruya wuṛṛu i Abigail. I Zeruya pia siri tallu ana'a: i Abisai, i Yoab wuṛṛu i Asael.

2 SAMUEL 20:10

I Amasa tawe naasilo hal᷊ele su lima aiṛṛin Yoab. Inaṛṛombanganne i Yoab nangusu'u hal᷊ele su tianni Amasa, na'omna sara lal᷊oṛṛon tianne nassal᷊iawukka su leta'a. I tou nate su orassa udde lai, na'oman sara i Yoab salaiwe tate mangusu'a apia. I Yoab wuṛṛu i Abisai tuarine, sidutu mangngenggenna si Seba.

2 SAMUEL 3:30

Etearoddi i Yoab wuṛṛu i Abisai tuarine, nabbal᷊issa taddu'u naungnga si Abner ana waugu i Abner buatte namate si Asael tuarin tarua sulal᷊ummu pangalo su Gibeon.

2 SAMUEL 2:18

Siri tallu ana'i Zeruya lai isudde, eteudde i Yoab, i Abisai wuṛṛu i Asael. I Asael mal᷊ihakka tatal᷊angnge ere kijang,

MANNANASE 4:12

Ruan katon apan inai sumal᷊ele suaddio'a wotongnge mal᷊inda'u pabbawawul᷊o, arawe taumata apan sassane mal᷊uassa iawaddo. Tallun bua tal᷊i apan niandongnga naola'a sambau, masahadda pamassutanne.