2 SAMUEL 22:7 - WUKE SUSI WATTI'U AL᷊AL᷊USASSA

⁷ Sulal᷊ummu asasusa'u i ya'u sussal᷊ande Si'o Mawu, i ya'u mangngintul᷊i su Ruata'u maddorongnga aontolla. Wuassu Wal᷊en-Ne i Tou naaringikka tingi'u wuṛṛu naddaringikka sasal᷊ande'u.

2 SAMUEL 22:7 Referans Kwoze

DARALO 18:6

I ya'u papal᷊iwutannu silakan papate wal᷊ati'u papate udde su saruangku.

DARALO 116:4

Ne i ya'u sinumal᷊ande Mawu, “Oh Mawu, i ya'u sumal᷊ande, sal᷊amatewe i ya'u!”

DARALO 120:1

Aantarin patatembo. Sulal᷊ummu asasusa'u i ya'u ma'ial᷊are su Mawu, ne i Tou sinumimbakka si ya'u.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

HABAKUK 2:20

Mawu udde sulal᷊ummu Wal᷊en-Ne apan susi; ṛinone anambon taumata su runia uma'ukku'u watanganne su saruan-Ne.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

DARALO 27:4

Tumba'u sambau apan ta'u doronganna su Mawu, tumba'u indi apan ta'u ipaapulu: matana'a su Wal᷊en Mawu su al᷊o'engngu pabbiaṛangku, tadea'u maapendamma apapian Mawu wuṛṛu sumal᷊ande aehen-Ne.

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

YUNUS 2:4

Sulal᷊ummu naungku i ya'u nabbisara; Mawu buatte nallimbuakka si ya'u wuassu saruan-Ne. I ya'u tate maasilo apia wal᷊en atatanaan-Ne apan susi.

LUKAS 22:44

Mawu Yesus tumaniten uatataṛṛangnga sansara sulal᷊ummu naung-Nge na'oman sara i Tou u'al᷊iomanna atonna-tonna. Liahane naal᷊ihida raṛṛa tutturo su leta'a.]

DARALO 107:6

Sulal᷊ummu asasusa i mangitou ma'ial᷊are su Mawu, wuṛṛu i Tou namallossi mangitou wuassu asasusa.